Yirimia 12:1-17
12 Ee Yehova, ozali sembo+ ntango nazali komemela yo likambo na ngai,Ntango nazali koloba na yo mpo na makambo ya kosamba.
Mpo na nini bato mabe bazali kolonga na makambo bazali kosala,+Mpe mpo na nini baoyo basalaka na bokosi bazangi mitungisi?
2 Oloni bango; bazwi mpe misisa.
Bakoli mpe baboti mbuma.
Balobelaka yo ntango nyonso, kasi ozali mosika na makanisi na bango oyo ebombaná mpenza.*+
3 Kasi, Ee Yehova, oyebi ngai malamu;+ mpe omonaka ngai;Otalitali motema na ngai mpe oyebi ete namipesá na yo.+
Tyá bato mabe pembeni lokola bampate oyo bazali komema mpo na kobomama,Mpe tyá bango pembeni mpo na mokolo ya kobomama.
4 Tii ntango nini mokili ekozala ya kokaukaMpe milona ya elanga nyonso ekozala ya kokauka?+
Mpo na mabe ya bato oyo bafandi kati na yango,Banyama mpe bandɛkɛ ekufi.
Mpo balobi: “Azali komona te oyo ekokómela biso.”
5 Soki kopota mbangu ná bato ya makolo elɛmbisi yo,Ekozala boni kopota mbangu ná bampunda?+
Ozali komiyoka ete obatelami na mokili ya kimya?Kasi okosala ndenge nini ntango okozala na kati ya mwa bazamba oyo ekangamakangamá oyo ezali pembenipembeni ya Yordani?
6 Mpo ata bandeko na yo ná bato ya ndako ya tata na yo,Basaleli yo makambo na bokosi.+
Balakeli yo mabe.
Kondimela bango te,Ata soki balobi na yo makambo ya malamu.
7 “Natiki ndako na ngai;+ nasundoli libula na ngai;+
Nakabi moto oyo nalingaka* na lobɔkɔ ya bangunana ye.+
8 Libula na ngai ekómi epai na ngai lokola nkɔsi na kati ya zamba.
Egangeli ngai makasi.
Yango wana, nsukansuka nayini yango.
9 Libula na ngai ezali mpo na ngai lokola ndɛkɛ ya langilangi oyo ekangaka banyama;Bandɛkɛ mosusu oyo ekangaka banyama ezingi yango mpe ezali koluka kolya yango.+
Bóya, bóyangana,Bino banyama nyonso ya zamba bóya kolya.+
10 Babateli mingi ya mpate babebisi elanga na ngai ya vinyo;+Banyatinyati eteni ya mabele na ngai.+
Eteni ya mabele na ngai ya kitoko, bakómisi yango esobe oyo etikali mpamba.
11 Ekómi mokili oyo etikali mpamba.
Ekauki;*Etikali mpamba liboso na ngai.+
Mokili mobimba ekómi esika oyo etikali mpamba,Kasi moto moko te atyeli yango likebi.+
12 Babebisi bayei na banzela nyonso oyo bato balekalekaka na esobe,Mpo mopanga ya Yehova ezali kolya longwa na nsuka moko ya mokili tii na nsuka mosusu ya mokili.+
Kimya ezali te mpo na moto nyonso.*
13 Baloni blé, kasi babuki banzubɛ.+
Basali mosala ya makasi mpenza kaka mpamba.
Bakoyokela mbuma na bango nsɔniMpo na nkanda ya kongala ya Yehova.”
14 Talá oyo Yehova alobi mpo na bazalani na ngai nyonso ya mabe, oyo bazali kosimba libula oyo napesaki bato na ngai Yisraele:+ “Nazali kopikola bango na mabele na bango,+ mpe nakopikola bato ya libota ya Yuda na kati na bango.
15 Kasi nsima ya kopikola bango, nakoyokela bango lisusu mawa mpe nakozongisa mokomoko na bango na libula na ye mpe na mokili na ye.”
16 “Mpe soki bayekoli mpenza banzela ya bato na ngai mpe balapi ndai na nkombo na ngai ete: ‘Lokola Yehova azali solo na bomoi!’ kaka ndenge bateyaki bato na ngai kolapa ndai na nkombo ya Baala, bongo bakozwa esika na kati ya bato na ngai.
17 Kasi soki baboyi kotosa, nakopikola ekólo yango, nakopikola yango mpe nakobebisa yango,” Yehova alobi bongo.+
Maloba na nse
^ To, “mayoki na bango ya kati.” Lil., “bangɛi na bango.”
^ To, “molingami ya molimo na ngai.”
^ To mbala mosusu, “ezali kolela.”
^ Lil., “mosuni nyonso.”
