Yirimia 17:1-27
17 “Lisumu ya Yuda ekomami na ekomeli ya ebende.
Na nsɔngɛ ya diama, yango ekatami mayemi na etanda ya motema na bangoMpe na maseke ya bitumbelo na bango,
2 Wana bana na bango bazali kokanisa bitumbelo mpe banzete na bango ya losambo*+Pembeni na nzete oyo etondi na nkasa, na bangomba mike oyo etombwaná,+
3 Na bangomba oyo ezali na esobe ya monene.
Biloko na yo, biloko na yo nyonso ya motuya, nakopesa yango mpo epunzama+—Ɛɛ bisika na yo oyo etombwaná mpo na lisumu oyo esalemi na bateritware na yo nyonso.+
4 Yo moko okotika libula oyo napesaki yo.+
Mpe nakosala ete osalela banguna na yo na mokili oyo oyebi te,+Mpo opelisi nkanda na ngai lokola mɔtɔ.*+
Ekopela mpo na libela.”
5 Talá oyo Yehova alobi:
“Alakelama mabe moto* oyo azali kotyela moto mpamba motema,+Oyo azali kotya motema na makasi ya moto,*+Mpe oyo motema na ye ezali kotika Yehova.
6 Akokóma lokola nzete oyo ezali yango moko na mokili ekauká.
Akomona te ntango bolamu ekoya,Kasi akofanda na bisika ekauká na esobe,Na mokili ya mungwa epai moto moko te akoki kofanda.
7 Apambolama moto* oyo azali kotyela Yehova motema,Oyo atyelaka Yehova elikya.+
8 Akokóma lokola nzete oyo elonami pembeni ya mai,Oyo ezali kotinda misisa na yango tii na mokɛli.
Akomona te ntango molunge ekoya,Kasi nkasa na ye ekotondana mpenza.+
Mpe na mbula ya eleko ya kokauka makasi akomitungisa te,Mpe akotika te kobota mbuma.
9 Motema ezali na bokosi mingi koleka eloko mosusu nyonso mpe ezali eloko ya kosakana na yango te.+
Nani akoki koyeba yango?
10 Ngai, Yehova, nalukalukaka na kati ya motema,+Natalatalaka makanisi oyo ebombaná mpenza,*Mpo na kofuta moto na moto na kolanda etamboli na ye,Mpe misala na ye.+
11 Moto oyo azali konduka bomɛngo, kasi na bosembo te+Azali lokola ekwale* oyo eyanganisi maki oyo yango ebwaki te,
Akotika bomɛngo yango na katikati ya bomoi na ye,Mpe na nsuka akomonana zoba.”
12 Kiti ya bokonzi ya nkembo ya Nzambe etombwani uta na ebandeli,Kuna nde esika mosantu na biso ezali.+
13 Ee Yehova, elikya ya Yisraele,Baoyo nyonso bazali kotika yo bakopɔla na nsɔni.
Baoyo bazali kopɛngwa mpe kotika yo* bakokomama nkombo na mabele,+Mpo batiki Yehova, liziba ya mai ya bomoi.+
14 Bikisá ngai, Ee Yehova, mpe nakobika.
Sikolá ngai, mpe nakosikolama,+Mpo ezali yo nde nasanzolaka.
15 Talá! Bato mosusu bazali koloba na ngai ete:
“Mpo na nini liloba ya Yehova ekokisami naino te?+
Ekokisama sikoyo!”
16 Kasi ngai, natiki te kolanda yo mobateli ya mpate,Nalingaki ata moke te ete mokolo yango ya libebi eya.
Oyebi malamu eloko nyonso oyo mbɛbu na ngai elobi;Nyonso wana esalemi na miso na yo.
17 Kopesa ngai nsɔmɔ te.
Ozali esika na ngai ya kokima na mokolo ya mpasi.
18 Tiká banyokoli na ngai bápɔla na nsɔni,+Kasi kotika ngai te napɔla na nsɔni.
Salá ete bálɛnga na nsɔmɔ,Kasi kosala te ete ngai nalɛnga na nsɔmɔ.
Yeiselá bango mokolo ya mpasi,+Panzá bango mpe bebisá bango mpenza.*
19 Talá oyo Yehova alobi na ngai: “Kende, mpe tɛlɛmá na porte ya bana ya bato, oyo bakonzi ya Yuda bakɔtelaka mpe babimelaka, mpe na baporte nyonso ya Yerusaleme.+
20 Mpe osengeli koloba na bango ete: ‘Bóyoka liloba ya Yehova, bino bakonzi ya Yuda, bato nyonso ya Yuda mpe bino nyonso bafandi ya Yerusaleme, baoyo bozali kokɔta na baporte oyo.
21 Talá oyo Yehova alobi: “Bókeba,* bómema mokumba moko te na mokolo ya sabata mpe bókɔtisa mokumba moko te na baporte ya Yerusaleme.+
22 Bosengeli te kobimisa mokumba ata moko na bandako na bino na mokolo ya sabata; mpe bosengeli kosala ata mosala moko te.+ Bókoba kosantisa mokolo ya sabata, kaka ndenge napesaki bankɔkɔ na bino mitindo.+
23 Kasi bayokaki te mpe batyaki likebi te,* mpe na motó makasi nyonso* baboyaki kotosa mpe kondima disiplini.”’+
24 “‘“Nzokande soki botosi mpenza ngai,” Yehova alobi bongo, “mpe bokɔtisi ata mokumba moko te na baporte ya engumba oyo na mokolo ya sabata mpe soki bozali kosala mosala ata moko te mpo na kokoba kosantisa mokolo ya sabata,+
25 bakonzi ná bankumu oyo bafandi na kiti ya bokonzi ya Davidi+ bakokɔta mpe na baporte ya engumba oyo, bakomata na makalo mpe na bampunda, bango ná bankumu na bango, bato ya Yuda mpe bafandi ya Yerusaleme;+ mpe bato bakofanda na engumba oyo mpo na libela.
26 Mpe bato bakouta na bingumba ya Yuda, uta na zingazinga ya Yerusaleme, na mokili ya Benyamina,+ na mokili ya nse,+ na etúká ya ngombangomba mpe na Negebe,* bakomema na ndako ya Yehova makabo mobimba ya kotumba,+ bambeka,+ makabo ya mbuma,+ olibana, mpe bambeka ya kopesa matɔndi.+
27 “‘“Kasi soki botosi ngai te mpe bokobi kosantisa mokolo ya sabata te, soki bomemi mikumba, mpe bokɔti na yango na baporte ya Yerusaleme na mokolo ya sabata, nakotumba baporte na yango, mpe mɔtɔ ekozikisa mpenza bandako milai ya kofanda ya Yerusaleme+ mpe mɔtɔ yango ekobomama te.”’”+
Maloba na nse
^ Talá Ndimbola ya maloba.
^ To mbala mosuu, “Mpo opeli lokola mɔtɔ na nkanda na ngai.”
^ To, “Mobali makasi.”
^ Lil., “Akómisi mosuni lobɔkɔ na ye.”
^ To, “Mobali makasi.”
^ To, “mayoki ya kati.” Lil., “bangɛi.”
^ Ndɛkɛ oyo ezali lokola nsoso.
^ Lil., “kotika ngai.” Emonani ete ezali kolobela Yehova.
^ To, “buká bango mbala mibale.”
^ To, “Bókeba mpo na molimo na bino.”
^ Lil., “basembolaki litoi na bango te.”
^ Lil., “bakómisaki nkingo na bango makasi.”
^ To, “na sudi.”
