Yirimia 47:1-7
-
Esakweli mpo na oyo ekokómela Bafilistia (1-7)
47 Talá liloba oyo Yehova ayebisaki mosakoli Yirimia mpo na Bafilistia,+ liboso Farao abundisa Gaza.
2 Talá oyo Yehova alobi:
“Talá! Mai ezali kouta na nɔrdi.
Ekokóma mokɛli ya mai oyo ezali kozindisa.
Mpe ekozindisa mokili yango ná eloko nyonso oyo ezali na kati,Engumba ná bato oyo bafandi na kati.
Bato bakoganga,Mpe moto nyonso oyo azali kofanda na mokili yango akoganga na kolela.
3 Ntango bakoyoka makɛlɛlɛ ya basabo ya bampundana ye,Ndenge ezali kobɛtabɛta mabele, lokito ya makalo na ye ya etumba,Yikiyiki ya bapine na ye,Batata bakozonga ata nsima te mpo na kosalisa bana na bango,Mpo bakozanga mpiko,
4 Mpo mokolo oyo ezali koya ekobebisa Bafilistia nyonso,+Ekolongola Tire,+ Sidone+ mpe bato nyonso oyo basungaka bango.
Mpo Yehova akobebisa Bafilistia,Baoyo batikali oyo bautaki na esanga ya Kafitore.*+
5 Libandi* ekoya na Gaza.
Bakangisi Ashekelone monɔkɔ.+
Ee yo oyo otikali na lobwaku na bango ya patatalu,Tii ntango nini okokoba komikatakata?+
6 Ah! Mopanga ya Yehova!+
Tii ntango nini okofanda nyɛɛ te?
Zongá na kati ya libenga na yo.
Pemá mpe fandá kimya.
7 Ndenge nini yango ekoki kofanda nyɛɛNtango Yehova apesi yango mitindo?
Atindi yango mpo ebɛta AshekeloneMpe pembenipembeni ya mbu.”+
Maloba na nse
^ Elingi koloba, “Krɛtɛ.”
^ Elingi koloba, “bakolongola nsuki na mitó na bango mpo na matanga mpe nsɔni.”
