Yirimia 49:1-39
49 Talá oyo Yehova alobi mpo na Baamone:+
“Yisraele azali nde na bana te?
Azali nde na mozwi-ya-libula te?
Mpo na nini Malakame+ azwi Gade?+
Mpe mpo na nini bato na ye bazali kofanda na bingumba ya Yisraele?”
2 “‘Bongo, talá! mikolo ezali koya,’ Yehova alobi bongo,‘Ntango nakosala ete bileko ya kokebisa ya etumba* eyokana mpo na Raba+ ya bana ya Amone.+
Akokóma libondo ya mabele oyo etikali mpamba,Mpe bingumba oyo esimbami* na ye ekozikisama na mɔtɔ.’
‘Mpe Yisraele akozwa mabele ya baoyo bazwaki mabele na ye,’+ Yehova alobi bongo.
3 ‘Gangá na kolela, Ee Heshibone, mpo Ai abebisami!
Bóbelela, Ee bingumba oyo esimbami na Raba.
Bólata ngɔtɔ.*
Bóganga na kolela, mpe bótambolatambola na kati ya mapango ya mabanga,*Mpo Malakame akokende na mboka mopayaElongo na banganga-nzambe na ye mpe bankumuna ye.+
4 Mpo na nini ozali komikumisa mpo na mabwaku,*Mpo na mokili na yo ya patatalu epai mai ezali kotíyola,Ee mwana mwasi oyo azangi bosembo,Moto oyo ozali kotya motema na biloko na yo ya motuya,
Mpe ozali koloba: “Nani akoya kobundisa ngai?”’”
5 “‘Talá, nazali komemela yo likambo moko ya nsɔmɔ,’ Nkolo Mokonzi-Oyo-Aleki-Nyonso, Yehova ya mampinga alobi bongo,‘Ekouta na bato nyonso oyo bazali zingazinga na yo.
Bokopanzana moto na moto na nzela na ye,Mpe moto moko te akoyanganisa baoyo bakimi.’”
6 “‘Kasi nsima na yango, nakoyanganisa Baamone oyo bakangamaki,’ Yehova alobi bongo.”
7 Talá oyo Yehova ya mampinga alobi mpo na Edome:
“Bwanya ezali lisusu te na Temane?+
Bato ya mayele bazali lisusu te na toli ya malamu ya kopesa?
Bwanya na bango epɔli?
8 Bókima! Bózonga nsima!
Bókende mpe bófanda na esika ya mozindo, Ee bato oyo bofandi na Dedane!+
Mpo nakomemela Esau likama,Ntango ngonga na ngai ya kopesa ye etumbu ekoya.
9 Soki babuki-mbuma ya vinyo bakɔteli yo,Bakotika mwa mbuma ya kolɔkɔta te?
Soki miyibi bakɔteli yo na butu,Bakobebisa kaka nyonso oyo balingi.+
10 Kasi ngai, nakotika Esau bolumbu.
Nakotika bisika na ye ya kobombana polele,Mpo akokoka te kobombana.
Bana na ye, bandeko na ye mpe bato oyo bafandi penepene na ye bakobebisama bango nyonso,+Mpe akozala lisusu te.+
11 Tiká bana na yo oyo batata bakufá,Ngai moko nakobatela bango na bomoi,Mpe basi na yo oyo mibali bakufá bakotyela ngai motema.”
12 Mpo talá oyo Yehova alobi: “Talá! Soki baoyo bakatelá bango etumbu te ya komɛla kɔpɔ basengeli komɛla yango, bongo yo, okanisi ete okozanga etumbu? Te okozwa etumbu, mpo osengeli komɛla yango.”+
13 “Mpo nalapi ndai na nkombo na ngai moko,” Yehova alobi bongo, “ete Bozera ekokóma eloko ya nsɔmɔ,+ eloko ya nsɔni, libebi mpe elakeli mabe; mpe bingumba na yango nyonso ekokóma bisika oyo ebebisamá mpo na libela.”+
14 Nayoki nsango moko oyo euti epai ya Yehova,Motindami moko oyo atindami kati na bikólo, alobi:
“Bóyangana elongo mpe bóya kobunda na ye,Bómibongisa mpo na etumba.”+
15 “Mpo talá! Nakómisi yo mpamba na kati ya bikólo,Otyolami kati na bato.+
16 Kolɛngisa oyo olɛngisakiLofundo ya motema na yo ekosi yo,Ee yo oyo ofandi na kati ya madusu ya mabanga,Ozwi esika oyo etombwaná ya ngomba moke.
Ata soki otongi zumbu* na yo na likoló lokola mpongo,Uta kuna nakokitisa yo na nse,” Yehova alobi bongo.
17 “Mpe Edome akokóma eloko ya nsɔmɔ.+ Moto nyonso oyo azali koleka pembeni na ye akotala ye na nsɔmɔ mpe akobɛta piololo mpo na mpasi na ye nyonso.
18 Ndenge Sodoma ná Gomora mpe bingumba na yango oyo ezalaki zingazinga ebebisamaki,”+ Yehova alobi bongo, “moto moko te akofanda kuna mpe moto moko te akotya ndako na ye kuna.+
19 “Talá! Moto moko akomata lokola nkɔsi+ oyo ezali kobima na mwa bazamba oyo ekangamakangamá oyo ezali pembenipembeni ya Yordani, kasi na mbala moko nakosala ete akima mosika na esika yango. Nakotyela bango moto oyo naponi mpo atambwisa bango. Mpo nani azali lokola ngai, mpe nani akoki kotɛlɛmɛla ngai? Mobateli ya mpate nani akoki kotɛlɛma liboso na ngai?+
20 Na yango, Ee bino bato, bóyoka ekateli* oyo Yehova azwi mpo na Edome, mpe likambo oyo akanisi kosala mpo na bafandi ya Temane:+
Ya solo, bakobengana bana-mpate ya etonga.
Mpo na bango, akosala ete esika na bango ya kofanda etikala mpamba.+
21 Mabele eningani mpo na lokito ya kokwea na bango.
Koganga ezali!
Lokito na yango eyokani mosika tii na Mbu Motane.+
22 Talá! Kaka lokola mpongo, akomata mpe akokita na lombangu na nse,+Mpe akosembola mapapu na ye likoló ya Bozera.+
Na mokolo yango, babundi-bitumba ya EdomeBakoyoka mpasi lokola ya mwasi oyo azali kobota.”
23 Mpo na Damasi:+
“Hamate+ mpe Arpade bayokisami nsɔni,Mpo bayoki nsango ya mabe.
Balɛmbi nzoto.
Mbu etomboki mpe ekoki kofanda nyɛɛ te.
24 Damasi alɛmbi nzoto.
Abaluki mpo na kokima, kasi nsɔmɔ ekangi ye.
Mikakatano mpe mpasi lokola ya mwasi oyo azali kobota ekangi ye.
25 Ndenge nini engumba ya masanzoli esundolami te,Sité oyo esepelisaka makasi?
26 Mpo bilenge mibali na ye bakokwea na bisika minene ya bato nyonso,Mpe basoda nyonso bakokufa na mokolo yango,” Yehova ya mampinga alobi bongo.
27 “Nakotya mɔtɔ na efelo ya Damasi,Mpe ekozikisa bandako milai ya makasi ya Bene-hadade.”+
28 Mpo na Kedare+ mpe makonzi ya Hazore, oyo Nebukadenezare mokonzi ya Babilone alongaki, talá oyo Yehova alobi:
“Bótɛlɛma, bómata na Kedare,Mpe bóboma bana mibali ya Ɛsti.
29 Bózwa bahema mpe bitonga na bango,Bilamba ya hema na bango mpe biloko na bango nyonso.
Bómema mpe bakamela na bango.Mpe bato bakobelela bango ete: ‘Nsɔmɔ ezali bipai nyonso!’”
30 “Bókima, bókima mosika;
Bókende mpe bófanda na esika ya mozindo, Ee bato oyo bofandi na Hazore,” Yehova alobi bongo.
“Mpo Nebukadenezare mokonzi ya Babilone abongisi mayele moko,Azali na mokano moko mpo na kobundisa bino.”
31 “Bótɛlɛma, bómata mpo na kobunda na ekólo oyo ezali na kimya,Oyo efandi na kimya!” Yehova alobi bongo.
“Ezali na baporte te mpe bikangiseli te. Bafandaka kaka bango moko.
32 Bakamela na bango ekokóma eloko ya kopunza,Mpe ebele ya bibwɛlɛ na bango eloko oyo epunzami.
Nakopalanganisa bango na banzela nyonso,*Baoyo nsuki na bango ekatami na mpakatoi,+Mpe nakoyeisa likama na bango uta na banzela nyonso,” Yehova alobi bongo.
33 “Mpe Hazore ekokóma esika oyo bambwa ya zamba* efandaka,Esika oyo etikalá mpamba mpo na libela.
Moto moko te akofanda kuna,Mpe moko te akotya ndako na ye kuna.”
34 Talá oyo Yehova alobaki na mosakoli Yirimia mpo na Elame+ na ebandeli ya boyangeli ya Zidikiya+ mokonzi ya Yuda:
35 “Talá oyo Yehova ya mampinga alobi: ‘Talá nazali kobuka litimbo ya Elame,+ esika nguya na bango eutaka.*
36 Nakomemela Elame mipɛpɛ minei uta na nsuka minei ya likoló. Mpe nakopanza bango na mipɛpɛ yango nyonso, ekozala na ekólo moko te oyo bato ya Elame oyo bapalanganisami bakozanga kokende.’”
37 “Nakobukabuka Baelame liboso ya banguna na bango mpe liboso ya baoyo bazali koluka koboma bango;* mpe nakomemela bango mpasi, nkanda na ngai ya kongala,” Yehova alobi bongo. “Mpe nakotinda mopanga nsima na bango tii nakosilisa bango nyɛɛ.”
38 “Mpe nakotya kiti na ngai ya bokonzi na Elame,+ mpe kuna nakobebisa mokonzi mpe bankumu,” Yehova alobi bongo.
39 “Kasi na eleko ya nsuka ya mikolo, nakoyanganisa bakangami ya Elame,” Yehova alobi bongo.
Maloba na nse
^ To mbala mosusu, “makɛlɛlɛ ya koganga ya etumba.”
^ To, “bingumba oyo ezali zingazinga.”
^ Talá Ndimbola ya maloba.
^ To, “mapango ya etonga.”
^ To, “mabwaku patatalu.”
^ To, “zála.”
^ To, “toli.”
^ Lil., “mipɛpɛ nyonso.”
^ To, “bambulú.”
^ Lil., “ebandeli ya nguya na bango.”
^ To, “baoyo bazali koluka molimo na bango.”
