Yisaya 11:1-16
11 Mwa etape+ ekobima na ekumu ya Yese,+Mpe mwa nzete ya sika+ oyo ekobima na misisa na ye ekobota mbuma.
2 Mpe elimo ya Yehova ekofanda likoló na ye,+Elimo ya bwanya+ mpe ya mayele,Elimo ya toli mpe ya nguya,+Elimo ya boyebi mpe ya kobanga Yehova.
3 Mpe akosepela na kobanga Yehova.+
Akosambisa te na kolanda oyo miso na ye emoni,Mpe akopamela te na kolanda kaka likambo oyo matoi na ye eyoki.+
4 Akosambisa moto mpamba na bosembo,Mpe akosembola na bosembo mpo na bolamu ya bato ya komikitisa oyo bazali na mabele.
Akobɛta mabele na fimbo ya monɔkɔ na ye+Mpe akoboma moto mabe na mpema* ya mbɛbu na ye.+
5 Boyengebene ekozala mokaba ya loketo na yeMpe bosembo ekozala mokaba ya loketo na ye.+
6 Na ntango mosusu, mbwa ya zamba ekofanda elongo na mwana-mpate,+Mpe nkoi ekolala esika moko ná mwana-ntaba,Mwana-ngɔmbɛ, nkɔsi,* ná nyama oyo eleisami malamu, yango nyonso ekofanda esika moko;*+Mpe mwana moke ya mobali akokamba yango.
7 Ngɔmbɛ ya mwasi ná urse ekolya esika moko,Mpe bana na yango ekolala esika moko.
Nkɔsi ekolya matiti ya kokauka lokola ngɔmbɛ-mobali.+
8 Mwana oyo azali naino komɛla mabɛlɛ akosakana na libulu oyo kobra efandaka,Mpe mwana oyo batiki komɛlisa mabɛlɛ akokɔtisa lobɔkɔ na ye na libulu oyo nyoka ya ngɛngɛ ebatamaka.
9 Bakosala eloko moko te ya mabe+Mpe bakobebisa eloko moko te na ngomba mosantu na ngai mobimba,+Mpo mabele ekotonda mpenza na boyebi ya YehovaNdenge mai etondi na mbu.+
10 Na mokolo yango, mosisa ya Yese+ akotɛlɛma lokola elembo mpo na bato ya bikólo.+
Bikólo ekobaluka epai na ye mpo na koluka litambwisi,*+Mpe esika na ye ya kopema ekokóma na nkembo.
11 Na mokolo yango, Yehova akosembola lisusu lobɔkɔ na ye, mpo na mbala ya mibale, mpo na kozwa bato na ye oyo bakotikala na Asiri+ mpe na Ezipito,+ na Patrose+ mpe na Kushi,+ na Elame,+ na Shinare,* na Hamate mpe na bisanga ya mbu.+
12 Akotombola elembo mpo na bikólo mpe akoyanganisa bato ya Yisraele oyo bapanzaná,+ mpe akoyanganisa bato ya Yuda oyo bapanzaná, uta na nsuka minei ya mabele.+
13 Zuwa ya Efraime ekosila,+Mpe baoyo bazali banguna ya Yuda bakobomama.
Efraime akoyokela Yuda zuwa te,Yuda mpe akozala monguna ya Efraime te.+
14 Bakokita mbangu na bangomba mike na wɛsti mpo na kobundisa Bafilistia;Bango nyonso elongo bakopunza bato ya Ɛsti.
Bakosembolela Edome ná Moabe lobɔkɔ na bango,*+Mpe bakoyangela bato ya Amone.+
15 Yehova akokabola* eteni moko* ya mbu ya Ezipito,+Mpe akoningisa lobɔkɔ na ye likoló ya ebale.*+
Na mpema* na ye ya mɔtɔ akobɛta yango na* mikɛli na yango nsambo,Mpe akosala ete bato bákatisa na basandale na bango.
16 Mpe ekozala na balabala moko monene+ oyo ekouta na Asiri mpo na bato na ye oyo bakotikala,+Kaka ndenge ezalaki mpo na Yisraele na mokolo oyo abimaki na mokili ya Ezipito.
Maloba na nse
^ To, “elimo.”
^ To, “mwana-nkɔsi oyo nkingo etondi na nsuki.”
^ To mbala mosusu, “mwana-ngɔmbɛ ná nkɔsi ekolya elongo.”
^ To, “bikólo ekoluka ye.”
^ Elingi koloba, Babilonia.
^ To, “bokonzi na bango ekokóma tii na Edome ná Moabe.”
^ To mbala mosusu, “akokaukisa.”
^ Lil., “lolemo.”
^ Elingi koloba, “Efrate.”
^ To, “elimo.”
^ To mbala mosusu, “akobɛta na kati ya.”
