Yisaya 26:1-21
26 Na mokolo yango, na mokili ya Yuda,+ bakoyemba loyembo oyo:+
“Tozali na engumba ya makasi.+
Lobiko na ye ezali lokola bifelo mpe ngomba oyo basalá mpo na libateli.+
2 Bófungola baporte,+ mpo ekólo ya boyengebene ekɔta,Ekólo oyo ezali kotambola na bosembo.
3 Okobatela baoyo batyaka motema mobimba epai na yo;*Okopesa bango kimya ntango nyonso,+Mpo batyaka motema na bango epai na yo.+
4 Bótyela Yehova motema libela na libela,+Mpo Yah* Yehova azali Libanga mpo na seko.+
5 Mpo akitisi na nse baoyo bazalaki kofanda na esika oyo etombwaná, sité oyo etombwani.
Akitisi yango na nse,Akitisi yango tii na mabele;Abwaki yango tii na putulu.
6 Ekonyatama,Na makolo ya moto ya mpasi, na matambe ya bato mpamba.”
7 Nzela ya moyengebene ezali sembo.*
Lokola ozali sembo,Okokómisa nzela ya moyengebene semba.
8 Ee Yehova, lokola tozali kotambola na nzela na yo ya bosembo,Totye elikya na biso epai na yo.
Tozali* na mposa makasi ya nkombo na yo mpe ya ekaniseli na yo.
9 Nayoki* mposa na yo makasi na butu,Ɛɛ, elimo na ngai ezali kaka koluka yo;+Mpo ntango okosambisa mabele,Bato oyo bafandi na mabele bakoyekola bosembo.+
10 Ata soki bamoniseli moto mabe boboto,Akoyekola bosembo te.+
Ata na mokili ya bosembo akosala mabe,+Mpe akomona bonene ya Yehova te.+
11 Ee Yehova, lobɔkɔ na yo etombwani likoló, kasi bazali komona yango te.+
Bakomona molende na yo mpo na bato na yo mpe bakoyoka nsɔni.
Ɛɛ, mɔtɔ oyo ebongisami mpo na banguna na yo ekozikisa bango.
12 Ee Yehova, okopesa biso kimya,+Mpo nyonso oyo tosaliYo moto osali yango mpo na biso.
13 Ee Yehova Nzambe na biso, bankolo mosusu bayangeli biso, kasi yo te,+Nzokande, tokotánga kaka nkombo na yo moko.+
14 Bazali bakufi, bakobika te.
Bazangi makasi kati na liwa, bakotɛlɛma te.+
Mpo otye likebi na yo epai na bangoMpo osilisa bango nyɛɛ mpe obebisa nkombo na bango nyonso.
15 Okómisi ekólo monene, Ee Yehova,Okómisi ekólo monene;Omikumisi.+
Opusi mpenza mosika bandelo nyonso ya mokili.+
16 Ee Yehova, na ntango ya mpasi batalelaki yo;Ntango opesaki bango disiplini,+ bafungolaki motema na bango mpe babondelaki yo na nse nse.
17 Ndenge mwasi ya zemi azalaka na mpasi ntango alingi kobotaAzalaka na mpasi mpe agangaka mpo na mpasi,Tokómi ndenge wana mpo na yo, Ee Yehova.
18 Tokómaki na zemi, toyokaki mpasi ya kobota,Kasi ezalaki lokola nde tobotaki mopɛpɛ.
Tomemi lobiko na mokili te,Mpe moto moko te abotamaki mpo afanda na mokili.
19 “Bakufi na yo bakozonga na bomoi.
Bibembe* na ngai ekotɛlɛma.+
Bólamuka mpe bóganga na esengo,Bino baoyo bofandi na putulu!+
Mpo mamwɛ na yo ezali lokola mamwɛ ya ntɔngɔntɔngɔ,*Mpe mabele ekozongisa na bomoi baoyo bazangi makasi kati na liwa.*
20 Kende, ekólo ya bato na ngai, kɔtá na bashambrɛ na yo ya kati,Mpe kangá baporte na yo.+
Omibomba kaka mpo na mwa ntangoTii nkanda* ekosila.+
21 Mpo talá! Yehova azali kouta na esika na yeMpo na kosɛnga bato oyo bafandi na mokili bázongisa monɔkɔ mpo na libunga na bango,Mpe mokili ekomonisa mpenza polele makila oyo yango esopáMpe ekozipa lisusu te bato na yango oyo babomamá.”
Maloba na nse
^ To mbala mosusu, “baoyo makanisi na bango etengatengaka te.”
^ “Yah” ezali ebengeli ya mokuse ya nkombo Yehova.
^ To, “patatalu.”
^ To, “molimo na biso ezali.”
^ To, “Na molimo na ngai nayoki.”
^ Lil., “Ebembe na ngai.”
^ To mbala mosusu, “mamwɛ ya yengolongonda.”
^ To, “ekobota baoyo bazangi makasi kati na liwa.”
^ To, “makaneli.”
