Yisaya 45:1-25
45 Talá oyo Yehova alobi na moto na ye oyo atyami mafuta, na Siruse,+Oyo nasimbi lobɔkɔ na ye ya mobali,+Mpo natya na nse na ye bikólo oyo ezali liboso na ye,+Mpo na kobɔtɔla bakonzi bibundeli,*Mpo na kofungola baporte ya bizipeli mibale liboso na ye,Mpo baporte ekangama te:
2 “Nakokende liboso na yo,+Mpe nakokómisa bangomba mike patatalu.
Nakobukabuka baporte ya kwivre,Mpe nakokata bikangiseli ya bibende.+
3 Nakopesa yo biloko ya motuya oyo ezali na moliliMpe biloko ya motuya oyo babombá na bisika ya kobombana,+Mpo oyeba ete nazali Yehova,Nzambe ya Yisraele, oyo azali kobenga yo na nkombo na yo.+
4 Mpo na mosaleli na ngai Yakobo mpe mpo na Yisraele moto oyo ngai naponi,Nazali kobenga yo na nkombo na yo.
Nazali kopesa yo nkombo ya lokumu, atako oyebi ngai te.
5 Nazali Yehova, mpe mosusu azali te.
Longola ngai, Nzambe mosusu azali te.+
Nakokómisa yo makasi,* atako oyebaki ngai te,
6 Mpo bato báyebaBanda epai moi ebimaka tii epai yango elalaka*Ete longola ngai, mosusu azali te.+
Nazali Yehova, mpe mosusu azali te.+
7 Nasalaka pole+ mpe nazalisaka molili,+Natyaka kimya+ mpe nabimisaka mpasi;+Ngai Yehova nazali kosala biloko nyonso wana.
8 Yo likoló, bɛtisá mbula;+Mapata esopa bosembo.
Mabele efungwama, mpe ebota lobiko,Mpe kaka na ntango yango ebimisa bosembo.+
Ngai Yehova nazalisi yango.”
9 Mawa na moto oyo azali kobunda* na Moto oyo asalaki ye,Mpo azali kaka mwa eteni ya mbɛki ya mabeleNa kati ya mwa biteni mosusu ya mbɛki ya mabele oyo elali na mabele!
Mabele* ekoki nde koloba na moyemi na yango* ete: “Ozali kosala nini?”+
To mosala na yo ekoki nde koloba: “Azali na mabɔkɔ te”?*
10 Mawa na moto oyo azali koloba na tata ete: “Oboti nini?”
Mpe na mwasi ete: “Ozali kobota nini?”*
11 Talá oyo Yehova alobi, Mosantu ya Yisraele,+ Moto oyo asalaki ye:
“Bokotuna ngai mpo na makambo oyo ekoyaMpe bokopesa ngai mitindo mpo na bana na ngai+ mpe misala ya mabɔkɔ na ngai?
12 Nasalá mabele+ mpe kuna nazalisá moto.+
Natandá likoló na mabɔkɔ na ngai moko,+Mpe napesaka limpinga na yango nyonso mitindo.”+
13 Yehova ya mampinga alobi boye, “na bosembo na ngai, nabimisaki moto moko,+Mpe nakosembola banzela na ye nyonso.
Ye nde akotonga engumba na ngai+Mpe akotika bato na ngai oyo bamemamá na mboka mopaya, bákende,+ kozanga kofuta mbongo to kanyaka.”+
14 Talá oyo Yehova alobi:
“Matomba* ya Ezipito, mpe biloko ya kotɛka* ya Etiopi ná Basabea, bato ya milaimilai,Bakoya epai na yo mpe bakokóma ya yo.
Bakotambola nsima na yo; bakangami na bikangeli,
Bakoya mpe bakogumbamela yo.+
Bakoloba na yo na limemya makasi ete: ‘Ya solo Nzambe azali elongo na yo,+Mpe mosusu azali te; Nzambe mosusu azali te.’”
15 Ya solo ozali Nzambe oyo amibombi,Ee Nzambe ya Yisraele, Mobikisi.+
16 Bango nyonso bakoyokisama nsɔni mpe bakosambwa;Basali-bikeko nyonso bakokende na nsɔni.+
17 Kasi Yisraele akobika mpo na Yehova na lobiko ya seko+
Bokoyokisama nsɔni te, mpe bokosambwa te mpo na seko.+
18 Mpo talá oyo Yehova alobi,Mozalisi ya likoló,+ Nzambe ya solo,Moto oyo asalaki mabele, Mokeli na yango, Moto oyo atɛlɛmisaki yango makasi,+Moto oyo asalaki yango kaka mpamba te,* kasi asalaki yango nde mpo bato báfanda:+
“Nazali Yehova, mpe mosusu azali te.
19 Nalobaki te na esika ya kobombana,+ na mokili ya molili;Nalobaki te na libota* ya Yakobo ete:‘Bóluka ngai kaka mpamba.’
Nazali Yehova, oyo alobaka makambo ya boyengebene, mpe ayebisaka makambo ya sembo.+
20 Bóyangana mpe bóya.
Bópusana elongo, bino baoyo bobiki na bikólo.+
Baoyo bazali kokumba ekeko* na bango, bayebi eloko te,Mpe bazali kobondela nzambe oyo akoki kobikisa bango te.+
21 Bóloba mpe bómonisa likambo na bino.
Bópesana makanisi na bomoko.
Nani ayebisá likambo yango banda kala?Nani alobá yango banda bantango eleká?
Ezali ngai Yehova te?
Longola ngai Nzambe mosusu azali te;Nzambe ya bosembo mpe Mobikisi+ azali te, longola kaka ngai.+
22 Bóbaluka epai na ngai mpo bóbika,+Bino nyonso baoyo bozali na bansuka ya mabele; mpo nazali Nzambe, mpe mosusu azali te.+
23 Nalapi ndai na nkombo na ngai moko;Liloba oyo ebimi na monɔkɔ na ngai ezali solo,Ekozanga te kokokisama+
Moto nyonso akofukamela ngai,Mpe moto nyonso akolapa ndai na bosembo epai na ngai,+
24 Mpe akoloba: ‘Ya solo bosembo ya solosolo mpe makasi ezali epai ya Yehova.
Baoyo nyonso bazali kosilikela ye makasi bakoya liboso na ye na nsɔni.
25 Na lisalisi ya Yehova bana nyonso ya libota* ya Yisraele bakolonga,+Mpe bakomikumisa.’”
Maloba na nse
^ Lil., “mpo na kofungola mikaba na loketo ya bakonzi.”
^ Lil., “nakokanga yo loketo mpenza.”
^ To, “banda na ɛsti tii na wɛsti.”
^ To, “kobendana.”
^ To, “mabele ya lima.”
^ To, “Moto oyo asalaki yango.”
^ To mbala mosusu, “mabele ya lima ekoki nde koloba, mosala na yo ezali na bisimbeli te.”
^ To, “ozali na mpasi ya kobota nini.”
^ To mbala mosusu, “basali.”
^ To mbala mosusu, “bato ya mombongo.”
^ To mbala mosusu, “ezala mpamba.”
^ Lil., “momboto.”
^ To, “ekeko oyo eyemami.”
^ Lil., “momboto.”
