Yisaya 47:1-15
47 Ee ngɔndɔ, mwana mwasi ya Babilone,+Kitá mpe fandá na putulu.
Ee mwana mwasi ya Bakaladea,Fandá na mabele esika kiti ya bokonzi ezali te,+Mpo bakobenga yo lisusu te moto oyo amesaná na makambo ya makasi te mpe oyo babondelabondelaka.
2 Zwá enikelo ya mabɔkɔ mpe niká farini.
Longolá litambala na yo.
Matisá zambala na yo mpe monisá makolo na yo.
Katisá bibale.
3 Bolumbu na yo ekomonana.
Nsɔni na yo ekomonana.
Nakozongisa mabe,+ mpe moto moko te akopekisa ngai.*
4 “Moto oyo azali kosikola biso—Yehova ya mampinga nde nkombo na ye—Azali Mosantu ya Yisraele.”+
5 Ee mwana mwasi ya Bakaladea,+Fandá kuna na kimya mpe kɔtá na molili;Bakobenga yo lisusu te Mwasi oyo azali Nkolo ya makonzi.+
6 Nasilikelaki bato na ngai.+
Nakómisaki libula na ngai eloko mpamba,+Mpe napesaki bango na lobɔkɔ na yo.+
Kasi oyokelaki bango mawa te.+
Okómisaki ekanganeli na yo kilo ata epai ya mobange.+
7 Olobaki: “Nakozala kaka Mwasi oyo azali Nkolo* mpo na libela.”+
Otyaki makambo yango na motema na yo te;Otalelaki te ndenge yango ekosuka.
8 Sikoyo yoká likambo oyo, yo mwasi oyo alingá bisengo,+Oyo afandi na kimya, oyo azali koloba na motema na ye ete:
“Longola ngai, moto mosusu azali te.+
Nakokóma te mwasi oyo mobali akufá,
Nakoyeba te eloko babengi kobungisa bana.”+
9 Kasi na mokolo moko, makambo oyo mibale ekokwela yo pwasa:+
Kobungisa bana mpe kozala mwasi oyo mobali akufá.
Ekokwela yo mobimba mpenza,+Mpo na ebele ya misala na yo ya bonganga-nkisi, mpo na* nguya nyonso ya bondɔki na yo.+
10 Otyelaki mabe na yo motema.
Olobaki: “Moto moko te azali komona ngai.”
Bwanya mpe boyebi na yo nde ebungisi yo nzela,Mpe olobi na motema na yo ete: “Longola ngai, mosusu azali te.”
11 Kasi mpasi ekokwela yo,Mpe mosala na yo ata moko te ya maji ekopekisa yango.*
Mokakatano ekokwela yo; okokoka kolongola yango te.
Libebi moko oyo omoná naino te ekokwela yo na pwasa.+
12 Bongo kobá kaka na bondɔki na yo mpe na ebele ya misala na yo ya bonganga-nkisi,+Oyo obomá na yango nzoto banda bolenge na yo.
Mbala mosusu okozwa litomba;Mbala mosusu okoyokisa bato nsɔmɔ.
13 Olɛmbi na ebele ya bapesi-toli na yo.
Bátɛlɛma sikoyo mpe bábikisa yo,Baoyo basambelaka likoló,* baoyo batalatalaka minzoto,+Baoyo, na basanza ya sika,Bayebisaka makambo oyo ekokómela yo.
14 Talá! Bazali lokola matiti ya blé.
Mɔtɔ ekotumba bango.
Bakoki te komibikisa na nguya ya lolemo ya mɔtɔ.
Yango ezali mɔtɔ ya makala te mpo bato báyɔta,Ezali mpe mɔtɔ te mpo bato báfanda liboso na yango.
15 Ndenge wana nde bato na yo ya misala ya maji bakokóma epai na yo,Baoyo obomaki nzoto elongo na bango banda bolenge na yo.
Bakoyengayenga moto na moto na nzela na ye moko.*
Moto ya kobikisa yo akozala te.+
Maloba na nse
^ To mbala mosusu, “nakokutana na moto moko te na boboto.”
^ To, “mokonzi-mwasi.”
^ To mbala mosusu, “atako.”
^ To, “okoyeba te ndenge ya kopɛngola yango na nzela ya maji.”
^ To mbala mosusu, “baoyo bakabolaka likoló, bato ya astroloji.”
^ Lil., “na etúká na ye moko.”
