Yisaya 53:1-12
53 Nani andimeli likambo oyo ayoki epai na biso?*+
Bongo lobɔkɔ ya Yehova+ emonisami epai ya nani?+
2 Akobima lokola mwa nzete+ liboso na ye,* lokola mosisa oyo ezali kobima na mokili oyo ekauká.
Azali engambe te, na nkembo mpe te;+Mpe soki tomoni ye, lolenge na ye ekobenda biso te epai na ye.*
3 Azalaki kotyolama mpe bato bazalaki kokima ye,+Moto oyo asengelaki komona* mpasi mpe amesanaki na maladi.
Ezalaki lokola nde elongi na ye ebombami liboso na biso.*
Atyolamaki mpe tomonaki ye mpamba.+
4 Ya solo, amemaki bamaladi na biso,+Mpe akumbaki bampasi na biso.+
Kasi tomonaki ete azali moto oyo Nzambe apesi etumbu, abɛti mpe amonisi mpasi.
5 Kasi atɔbɔlamaki+ mpo na misala na biso ya kobuka mibeko;+Anyatamaki mpo na mabunga na biso.+
Andimaki etumbu mpo biso tózala na kimya,+Mpe tobiki mpo na bampota na ye.+
6 Biso nyonso tozalaki koyengayenga lokola bampate,+Tobalukaki moto na moto na nzela na ye,Mpe Yehova asali ete libunga na biso nyonso ekwela ye.+
7 Banyokolaki ye+ mpe atikaki ete bato bámonisa ye mpasi,+Kasi afungolaki monɔkɔ te.
Bamemaki ye lokola mpate oyo ekei na esika ya kobomama,+Lokola mpate ya mwasi oyo efandaka nyɛɛ liboso ya bakati-nsuki na yango,Mpe afungolaki monɔkɔ na ye te.+
8 Basambisaki ye na bosembo te yango wana anyokwamaki mpe alongolamaki;Mpe nani akoluka koyeba molɔngɔ ya bankɔkɔ na ye?*
Mpo alongolamaki na mokili ya bato ya bomoi;+Abɛtamaki* mpo bato na ngai babukaki mibeko.+
9 Mpe bapesaki ye lilita* elongo na bato mabe,+Mpe na liwa na ye elongo na bazwi,*+Atako asalaki mabe moko te*Mpe lokuta ezwamaki na monɔkɔ na ye te.+
10 Kasi ezalaki mokano ya Yehova ya* konyata ye, mpe atikaki ete amona mpasi.
Soki okopesa bomoi* na ye lokola likabo ya ngambo,+Akomona bana* na ye, akoyeisa mikolo na ye molai,+Mpe na nzela na ye, mposa* ya Yehova ekokokisama.+
11 Nsima ya konyokwama,* akosepela na makambo oyo akomona.
Na nzela ya boyebi na ye, moto ya sembo, mosaleli na ngai,+Akosala ete bato mingi bámonana bato ya sembo,+Mpe akomema mabunga na bango.+
12 Yango wana nakopesa ye likabo elongo na ebele ya bato,Mpe akokabola biloko oyo epunzami elongo na bato ya nguya,Mpo apesaki bomoi na ye tii na liwa+Atángamaki na kati ya bato oyo babukaka mibeko;+Amemaki lisumu ya bato ebele,+Mpe abondelaki mpo na bato oyo babukaka mibeko.+
Maloba na nse
^ To mbala mosusu, “likambo oyo toyoki.”
^ “Ye” ekoki komonisa moto moko boye to mpe Nzambe.
^ To, “azali ata na lolenge moko te oyo ekoki kosepelisa biso.”
^ To mbala mosusu, “azalaki lokola moto oyo bato balongolaki bilongi na bango epai na ye.”
^ To, “oyo ayebaki.”
^ To, “lolenge ya bomoi na ye.”
^ To, “abɛtamaki tii na liwa.”
^ To, “moto moko akopesa ye lilita na ye.”
^ To, “moto moko ya bozwi.”
^ To, “mobulu te.”
^ To, “mokano.”
^ To, “momboto.”
^ To, “molimo.”
^ To, “kasi Yehova asepelaki na.”
^ To, “motungisi ya molimo na ye.”
