Yisaya 64:1-12
64 Soki opasolaka ata likoló mpe okitaka na nse,Mpo bangomba eningana mpo na yo,
2 Lokola ntango mɔtɔ epelisaka mwa bitape ya mikemike,*Mpe mɔtɔ etɔkisaka mai,Bongo banguna na yo bakoyeba nkombo na yo,Mpe bikólo ekolɛnga liboso na yo!
3 Ntango osalaki makambo ya nsɔmɔ oyo tokokaki kolikya te,+Okitaki na nse mpe bangomba eninganaki liboso na yo.+
4 Banda kala moto moko te ayoká to atyá likebi,Mpe liso moko te emoná Nzambe mosusu, longola kaka yo,Oyo azali kosala mpo na bolamu ya baoyo bazali kozela ye.*+
5 Okutani na baoyo basalaka na esengo nyonso oyo ezali sembo,+Baoyo bakanisaka yo mpe balandaka banzela na yo.
Talá! Osilikaki, wana tozalaki kosala masumu+Mpe tosalaki bongo ntango molai.
Tosengeli mpenza kobikisama?
6 Mpe biso nyonso tokómi lokola moto ya mbindo,Mpe misala na biso nyonso ya bosembo* ezali lokola elamba ya bileko ya komona sanza.+
Biso nyonso tokokauka lokola lokasa,Mpe mabunga na biso ekomema biso lokola mopɛpɛ.
7 Moto moko te azali kobelela nkombo na yo,Moto moko te azali komeka koluka lisalisi epai na yo,Mpo obombeli biso elongi na yo,+Mpe osalaki ete tólɛmba* mpo na* libunga na biso.
8 Kasi sikoyo, Ee Yehova, ozali Tata na biso.+
Biso tozali mabele,* mpe yo ozali Moyemi* na biso;+Biso nyonso tozali mosala ya lobɔkɔ na yo.
9 Ee Yehova, koyoka nkanda makasi te,+Mpe kokanisa libunga na biso te mpo na libela.
Talá biso, tobondeli yo, mpo biso nyonso tozali bato na yo.
10 Bingumba na yo mosantu ekómi esobe.
Siona ekómi esobe,Yerusaleme mabele oyo etikali mpamba.+
11 Ndako na biso ya bosantu mpe ya nkembo,*Epai bankɔkɔ na biso bazalaki kosanzola yo,Etumbami na mɔtɔ,+Mpe biloko nyonso oyo tozalaki kolinga mingi ebebisami.
12 Ee Yehova, liboso ya makambo yango nyonso, okokanga kaka motema?
Okotikala nyɛɛ mpe okotika biso tómona mpasi koleka ndelo?+
Maloba na nse
^ To, “mosɛnzu.”
^ To, “baoyo bazali kozela ye na motema molai nyonso.”
^ To, “boyengebene.” Talá Ndimbola ya maloba.
^ Lil., “onyangwisaki biso.”
^ Lil., “na lobɔkɔ ya.”
^ To, “mabele ya lima.”
^ To, “Moto oyo asalaki biso.”
^ To, “kitoko.”
