Yisaya 8:1-22
8 Yehova alobaki na ngai boye: “Zwá etanda moko monene+ mpe komá likoló na yango na ekomeli oyo bato nyonso basalelaka:* ‘Mahere-shalale-hashe-baze.’*
2 Mpe nalingi ete batatoli ya sembo, nganga-nzambe Uria+ ná Zekaria mwana ya Yeberekia, bákoma ete bamonaki yango ntango ekomamaki.”
3 Bongo nasangisaki nzoto na* mosakoli-mwasi,* azwaki zemi mpe na nsima abotaki mwana mobali.+ Na yango, Yehova alobaki na ngai ete: “Pesá ye nkombo Mahere-shalale-hashe-baze,
4 mpo liboso mwana yango ayeba koloba: ‘Tata!’ mpe ‘Mama!’ bakomema liboso ya mokonzi ya Asiri biloko ya Damasi mpe biloko oyo bapunzi na Samaria.”+
5 Yehova alobaki na ngai lisusu boye:
6 “Lokola bato oyo baboyi mai ya Shiloa*+ oyo ezali kotíyola malɛmbɛmalɛmbɛ,Mpe basepeli na Rezine mpe na mwana ya Remalia,+
7 Yango wana, talá! Yehova akomemela bangoMai ya makasi mpe ya monene ya Ebale,*Mokonzi ya Asiri+ mpe nkembo na ye nyonso.
Akomata na banzela na ye nyonso ya maiMpe akotondisa bokula na ye nyonso
8 Mpe akosopanela Yuda.
Akozindisa mpe akoleka. Akokóma tii na nkingo;+Mapapu na ye oyo esembolami ekotondisa bonene ya mokili na yo,Ee Emanuele!”*+
9 Bósala mabe bino bato ya bikólo, kasi bakobuka bino mikemike.
Mpe bóyoka, bino nyonso baoyo bozali na bisika ya mosika ya mabele!
Bómibongisa mpo na etumba,* kasi bakobuka bino mikemike!+
Bómibongisa mpo na etumba, kasi bakobuka bino mikemike!
10 Bósalela mayele nyonso, kasi ekolonga te!
Bóloba oyo bolingi, kasi ekosimba te,Mpo Nzambe azali elongo na biso!*+
11 Lobɔkɔ ya nguya ya Yehova ezalaki likoló na ngai. Mpe mpo na kokebisa ngai nalanda te nzela ya bato oyo, alobaki boye:
12 “Bino bosengeli koloba te ete: ‘Ezali likita mabe!’ kaka mpo bato oyo balobi bongo,
Bóbanga te oyo bazali kobanga;Bólɛnga te mpo na yango.
13 Yehova ya mampinga ye nde Moto bosengeli kotalela ete azali mosantu,+Ye nde moto bosengeli kobanga,Mpe liboso na ye nde bosengeli kolɛnga.”+
14 Mpo na bandako mibale ya Yisraele,Akokóma lokola esika mosantuKasi mpe lokola libanga ya kotutana na yangoMpe lokola libanga ya kobɛta libaku,+Lokola motambo mpe monyamaEpai ya bato oyo bafandi na Yerusaleme.
15 Mpe mingi kati na bango bakobɛta libaku, bakokwea mpe bakobukana;Bakokangama na motambo mpe bakozwama.
16 Língá mokanda ya kondimisa likambo yango,*Tyá elembo na mobeko* na kati ya bayekoli na ngai!
17 Nakokoba kozela* Yehova,+ oyo azali kobombela ndako ya Yakobo elongi na ye,+ mpe nakozala na elikya epai na ye.
18 Talá! Ngai ná bana oyo Yehova apesá ngai+ tozali na Yisraele lokola bilembo+ mpe lokola makamwisi oyo euti na Yehova ya mampinga, oyo afandi na Ngomba Siona.
19 Mpe soki balobi na bino: “Bótuna bato oyo basololaka na bilimo to baoyo bayebisaka makambo oyo ekoya, baoyo bazali koloba swiswiswi mpe na mingongo ya nse,” bato na bato basengeli nde kotuna Nzambe na bango te? Basengeli nde kotunela bato ya bomoi makambo epai ya bakufi?+
20 Kutu basengeli nde kotuna mobeko ná mokanda ya kondimisa likambo yango!*
Ntango bazali koloba makambo oyo eyokani te na liloba oyo, bazali na pole te.*+
21 Mpe moto na moto akoleka mpenza na kati ya mokili, wana azali na mpasi mingi mpe na nzala;+ mpe lokola azali na nzala mpe na nkanda, akolakela mokonzi ná Nzambe na ye mabe wana azali kotala na likoló.
22 Bongo akotala na mabele, mpe akomona kaka mpasi mpe molili, moindo mpe bantango ya mpasi mpe molili makasi, kongɛnga ezali te.
Maloba na nse
^ To mbala mosusu, “kowela mpo na kopunza.”
^ Lil., “na ekomeli ya moto mowei mpamba.”
^ Lil., “nabɛlɛmaki pene na.”
^ Elingi koloba, “mwasi ya Yisaya.”
^ Shiloa ezalaki nzela oyo mai elekaka.
^ Elingi koloba, “Efratɛ.”
^ Talá Yisaya 7:14.
^ To, “bómikanga loketo.”
^ Maloba ya Ebre “Nzambe azali elongo na biso” ezali Emanuele. Talá Yisaya 7:14; 8:8.
^ To, “litatoli yango.”
^ To, “mateya.”
^ To, “nakozela na mposa makasi.”
^ To, “litatoli yango.”
^ Lil., “pole ya ntɔngɔntɔngɔ te.”
