Yobo 13:1-28
13 “Ya solo, liso na ngai emoná nyonso wana,Litoi na ngai eyoká mpe ekangá ntina na yango.
2 Oyo bino boyebi, ngai mpe nayebi yango;Bino boleki ngai te.
3 Kasi, ngai nalingi nde nasolola kaka na Mozwi-ya-Nguya-Nyonso,Nakosepela nde kosamba likambo na ngai liboso ya Nzambe.+
4 Kasi, bozali kobebisa lokumu na ngai na makambo ya lokuta;Bino nyonso bozali minganga ya ntina te.+
5 Soki bófandaka ata nyɛɛ mpenza,Elingaki komonisa ete bozali na bwanya.+
6 Nabondeli bino, bóyoka makanisi na ngai,Mpe bótya likebi na kosamba ya mbɛbu na ngai.
7 Bokoloba nde makambo oyo ezangi bosembo na nkombo ya Nzambe,Mpe bokoloba nde makambo ya bokosi mpo na ye?
8 Bokozala nde na ngámbo na ye,*Bokomeka kosamba na esika ya Nzambe ya solo?
9 Bokolonga mpenza soki alandeli bino?+
Bokokosa ye ndenge bakosaka moto, mowei mpamba?
10 Soki bozali kopona bilongi na nkuku,+Akopamela bino mpenza.
11 Lokumu na ye ekobangisa bino teMpe nsɔmɔ na ye ekokwela bino te?
12 Maloba na bino ya bwanya* ezali masese ya putulu ya mɔtɔ;Makanisi na bino ezali pɛtɛɛ lokola mabele.*
13 Bófanda nyɛɛ liboso na ngai, mpo naloba.
Bongo oyo ekoya, eya!
14 Mpo na nini natye bomoi na ngai na likama*Mpe nasimbi bomoi* na ngai na mabɔkɔ na ngai?
15 Ata soki abomaka ngai, nalingaki kaka kozela;+Nalingaki kosamba likambo na ngai liboso na ye.
16 Wana alingaki kozala lobiko na ngai,+Mpo moto moko te oyo azangi botosi epai ya Nzambe* akokɔta liboso na ye.+
17 Bóyoka malamumalamu liloba na ngai;Bótya likebi na makambo oyo nazali koloba.
18 Talá! Sikoyo, nabongisi likambo na ngai mpo nasamba;Nayebi ete nazali na elonga.
19 Nani akobunda na ngai?
Soki nakangi monɔkɔ, nakokufa nde kokufa!*
20 Ee Nzambe, salelá ngai kaka makambo mibale,*Mpo namibomba te liboso na yo:
21 Kopesa ngai lisusu mpasi te,*Mpe kotika te ete nsɔmɔ na yo ebangisa ngai.+
22 Lobá, mpe nakoyanola yo,To tiká naloba, mpe oyanola ngai.
23 Wapi mabunga mpe masumu na ngai?
Monisá ngai libunga mpe lisumu na ngai.
24 Mpo na nini ozali kobomba elongi na yo+Mpe ozali kozwa ngai monguna na yo?+
25 Okomeka nde kobangisa lokasa oyo ememami na mopɛpɛ,To okolanda nde lititi oyo ekauká?
26 Mpo ozali kaka kokoma bifundeli ya bololo mpo na ngaiMpe ozali kofutisa ngai masumu ya bolenge na ngai.
27 Otye makolo na ngai na bikanga-makolo,Mpe ozali kotalatala banzela na ngai nyonso,Mpe ozali kokatela matambe na ngai ndelo.
28 Bongo, moto* abebaka lokola eloko moko oyo epɔlá;Lokola elamba oyo bandɔngɛ elei.
Maloba na nse
^ To, “Bokopona bilongi mpo na kokɔtela ye.”
^ To, “Maloba na bino oyo etikalá na minɔkɔ ya bato.”
^ To, “mabele ya lima.”
^ Lil., “mpo na nini namemi mosuni na ngai na mino na ngai.”
^ To, “molimo.”
^ To, “mopɛngwi moko te.”
^ To mbala mosusu, “Soki moto moko akokaki kobunda na ngai, nalingaki kokanga monɔkɔ mpe kokufa.”
^ Lil., “kaka makambo mibale, kosalela ngai yango te.”
^ Lil., “Longolá lobɔkɔ na yo mosika na ngai.”
^ Lil., “ye,” mbala mosusu ezali Yobo.
