Yobo 16:1-22
16 Yobo ayanolaki ete:
2 “Nayoká makambo mingi ya ndenge wana.
Bino nyonso bozali babɔndisi mabe!+
3 Maloba ya mpamba* ekosuka nde?
Nini ezali kotinda yo oyanola bongo?
4 Nakoki mpe koloba ndenge bino bozali koloba.
Soki bózalaka na esikana ngai,*Nalingaki kondimisa binona maloba na ngai,Mpe koningisela bino motó na ngai.+
5 Kutu, na esika na yango, nalingaki nde kolendisa bino na maloba ya monɔkɔ na ngai,Mpe libɔndisi ya mbɛbu na ngai elingaki kokitisa mpasi.+
6 Soki nalobi, mpasi na ngai ezali kokita te,+Mpe soki natiki koloba, mpasi ekolongwa nde?
7 Kasi sikoyo Nzambe alɛmbisi ngai;+Abomi bana mpe basaleli na ngai.*
8 Osimbi mpe ngai, yango ekómi litatoli,Bongo kokɔnda na ngai etɛlɛmi mpe ezali kofunda ngai.
9 Nkanda na ye epasolipasoli ngai, mpe azali koyina ngai.+
Azali kolyela ngai mino.
Monguna na ngai azali kopelisela ngai miso.+
10 Bafungoleli ngai mpenza monɔkɔ mpo na komɛla ngai,+Mpe nakoyina nyonso babɛti ngai na matama;Bayangani ebele mpo na kotɛmɛla ngai.+
11 Nzambe akabi ngai na mabɔkɔ ya bana mike ya mibali,Mpe abwaki ngai na mabɔkɔ ya bato mabe.+
12 Nafandaki na ngai na kimya, kasi ayaki kobukabuka ngai;+Akangaki ngai na nkingo mpe anikiniki ngai;Na nsima, atye ngai likoló lokola eloko na ye ya kobɛta.
13 Bato na ye oyo babwakaka mbanzi bazingi ngai;+Atɔbɔli bangɛi na ngai+ mpe ayoki mawa te;Asopi mai ya nsɔngi* na ngai na mabele.
14 Azali kotɔbɔla ngai madusumadusu lokola nde nazali efelo;Azali komibwaka epai na ngai lokola mobundi-etumba.
15 Natongi ngɔtɔ* mpo na kozipa loposo na ngai,+Mpe nakundi lokumu* na ngai na putulu.+
16 Elongi na ngai ekómi motane na kolela,+Mpe miso na ngai ekómi molili makasi,*
17 Atako mabɔkɔ na ngai esali likambo ya mabe te,Mpe libondeli na ngai ezali pɛto.
18 Ee mabele, kozipa makila na ngai te!+
Tiká yango eganga mpo na bolamu na ngai!
19 Kutu sikoyo, motatoli na ngai azali na likoló;Mpe moto oyo akoki kotatola mpo na ngai azali na bisika oyo etombwaná.
20 Baninga na ngai bazali kosɛka ngai+Ntango liso na ngai ezali kobimisa mai ya miso* epai ya Nzambe.+
21 Tiká ete moto moko akata likambo kati na ngai ná Nzambe,Ndenge ekoki kosalema kati na bato mibale.+
22 Mpo bambula oyo etikali ezali mingi te,Mpe nakokende na nzela oyo bazongaka lisusu te.+
Maloba na nse
^ To, “Maloba oyo ezali kaka mopɛpɛ.”
^ To, “Soki milimo na bino ezalaka esika ya molimo na ngai.”
^ To, “baoyo nyonso bazalaki koyangana elongo na ngai.”
^ Elingi koloba, mai ya bololo oyo ezalaka na libale.
^ Talá Ndimbola ya maloba.
^ To, “makasi.” Lil., “liseke.”
^ To, “molili ya liwa.”
^ To mbala mosusu, “liso na ngai ezali kotala, ezangi mpɔngi.”
