Yobo 17:1-16
17 “Elimo na ngai ebukani, mikolo na ngai esili;Lilita ezali kozela ngai.+
2 Basɛki bazingi ngai,+Mpe liso na ngai esengeli kotya likebi* na etamboli na bango ya botomboki.
3 Nabondeli yo, ndimá ndanga na ngai, mpe batelá yango epai na yo.
Nani mosusu akotuta ntolo mpe akondima kokɔtela ngai?+
4 Mpo okangi motemana bango ezala nabososoli te;+Yango wana ozali kotombola bango te.
5 Bato mosusu bapesaka baninga na bango ndambo ya biloko,Nzokande miso ya bana na bango ekolɛmba.
6 Akómisi ngai eloko ya kotyola* na kati ya bato ya bikólo,+Bongo nakómi moto ya kobwakela nsoi na elongi.+
7 Miso na ngai ezali kolɛmba mpo na mpasi,+Mpe mabɔkɔ ná makolo na ngai nyonso ezali kaka elili.
8 Bato ya sembo bazali kotala yango na kokamwa,Moto oyo azali na likambo te azali kosilika mpo na moto oyo abangaka Nzambe te.*
9 Moto ya sembo azali kokangama makasi na nzela na ye,+Mpe moto ya mabɔkɔ pɛto azali kokóma makasi.+
10 Kasi, bino nyonso bokoki kozongela koloba,Mpo namoni ata moto moko te ya bwanya na kati na bino.+
11 Mikolo na ngai esili;+Makambo nakanaki mpe bamposa ya motema na ngai ebebi.+
12 Bazali kaka kotya butu na esika ya moi,Bazali koloba: ‘Pole ekómi pene mpo molili eyei.’
13 Soki nazeli, Nkunda* nde ekokóma ndako na ngai;+Nakotanda mbeto na ngaina molili.+
14 Nakobelela libulu*+ ete: ‘Ozali tata na ngai!’
Mpe nkusu ete: ‘Ozali mama na ngai mpe ndeko na ngai ya mwasi!’
15 Bongo elikya na ngai ezali wapi?+
Nani akoki komona elikyana ngai?
16 Ekokita* na baporte ya Nkunda,*Ntango biso nyonso tokokita na putulu elongo.”+
Maloba na nse
^ To, “kofanda.”
^ Lil., “lisese.”
^ To, “mopɛngwi.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To, “nkunda.”
^ Elingi koloba, “Elikya na ngai.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
