Yobo 31:1-40
31 “Nasalá kondimana na miso na ngai.+
Ekobanda boni natya likebi oyo ebongi te epai ya ngɔndɔ?+
2 Bongo, likabo nini nakozwa oyo eutaka kuna na likoló epai ya Nzambe,Libula nini eutaka epai ya Mozwi-ya-Nguya-Nyonso, na esika oyo etombwaná?
3 Likama ezali te kozela mosali mabeMpe mpasi ezali te kozela baoyo basalaka makambo ya mabe?+
4 Azali nde komona banzela na ngai te+Mpe kotánga matambe na ngai te?
5 Natambolá na lokuta?*
Lokolo na ngai ekendaka nokinoki mpo na kokosa?+
6 Tiká Nzambe ameka ngai na emekeli-kilo ya sikisiki;+Bongo akoyeba bosembo na ngai.+
7 Soki matambe na ngai elongwe na nzela,+To motema na ngai elandi miso na ngai,+To soki mabɔkɔ na ngai ekómisami mbindo,
8 Tiká nalona mboto mpe moto mosusu alya yango,+Mpe tiká oyo naloni epikolama.*
9 Soki motema na ngai ekei epai ya mwasi moko boye,+Mpe soki nabatamaki mpo na kozela+ na porte ya ndako ya mozalani na ngai,
10 Tiká mwasi na ngai anika mbuma mpo na mobali mosusu,Mpe tiká mibali mosusu básangisa na ye nzoto.*+
11 Mpo yango ekozala etamboli ya nsɔni,Libunga oyo ebongi basambisi bápesela yango etumbu.+
12 Ekozala mɔtɔ oyo ekolya mpe ekobebisa,*+Ekolya ata misisa ya* biloko na ngai nyonso.
13 Soki naboyaki komonisa bosembo epai ya mosaleli na ngai ya mwasi to ya mobaliNtango bazalaki na likambo* ná ngai,
14 Nakosala nini ntango Nzambe akosambisa ngai?*
Nakopesa ye eyano nini ntango akosɛnga ngai nazongisa monɔkɔ?+
15 Moto oyo asalaki ngai na libumu asalaki mpe bango te?+
Ezali kaka ye te Moto abongisaki biso liboso tóbotama?*+
16 Soki naboyaki kopesa babola eloko oyo bazalaki na yango mposa+To nasalaki ete mwasi oyo mobali akufá azanga elikya;*+
17 Soki nazalaki kolya bilei na ngai kaka ngai moko,Kozanga ete napesa mwana oyo tata akufá;+
18 (Mpo banda bolenge na ngai, mwana oyo tata akufá* akolaki epai na ngai lokola nde nazalaki tata na ye,Mpe banda bomwana na ngai* nazalaki mokambi mpo na mwasi oyo mobali akufá.)
19 Soki namoni moto azali kokufa mpo azangi elamba,To mobola azangi eloko ya kozipa nzoto;+
20 Soki napesaki bango te elamba oyo esalemi na nsuki ya bana-mpate na ngai ya mibali mpo báyoka mɔtɔ mpe bápambola ngai;+
21 Soki nakangaki likofi mpo na kokanela mwana oyo tata akufá,+Ntango azalaki na mposa ya lisalisi na ngai na porte ya engumba;*+
22 Na yango, tiká lobɔkɔ* na ngai elongwa na lipeka ekwea,Mpe tiká lobɔkɔ na ngai ekatana na molɔku.*
23 Mpo nazalaki kobanga likama oyo euti epai ya Nzambe,Mpe nakokaki te kotɛlɛma liboso ya lokumu na ye.
24 Soki natyaki motema na woloTo nalobaki na wolo ya malamu ete: ‘Ozali mobateli na ngai!’+
25 Soki nazalaki kosepela mpo nazalaki na bozwi mingi+Mpo na ebele ya biloko oyo nazwaki;+
26 Ntango nazalaki komona moi* ezali kongɛnga,To sanza ezalaki kotambola na nkembo na yango;+
27 Mpe motema na ngai ebendamaki na nkuku,Mpe napesaki lobɔkɔ na ngai lipwɛpwɛ mpo na kosambela yango;*+
28 Yango mpe elingaki kozala libunga oyo ebongi basambisi bápesela yango etumbu,Mpo mbɛlɛ nawangani Nzambe ya solo na likoló.
29 Nasilá kosepela na kobebisama ya monguna na ngai+To nayokaki esengo mpo mpasi ezwi ye?
30 Ata mokolo moko te natikaki ete monɔkɔ na ngai esala lisumuNa kosɛngáká bomoi* na ye na nzela ya kolapa ndai.+
31 Mibali ya hema na ngai balobaki te ete:‘Nani akoki komona ata moto moko oyo bilei* na ye etondisi ye te?’+
32 Mopaya ata moko te* alalaki libándá;+Nazalaki kofungola baporte na ngai mpo na moto ya mobembo.
33 Nalukaki nde kobomba makambo na ngai ya kobuka mibeko, lokola mibali mosusu,+Na kobombáká libunga na ngai na libenga ya elamba?
34 Nabangaki nde soki ebele mpenza ya bato bakoloba nini,To nazalaki nde na nsɔmɔ ya kotyolama na mabota mosusu,Mpo bakosala ete nafanda nyɛɛ mpe nabanga kobima libándá?
35 Soki ata moto moko ayokaka ngai!+
Nalingaki kotya sinyatire ya nkombo na ngai mpo na oyo nalobaki.*
Tiká Mozwi-ya-Nguya-Nyonso ayanola ngai!+
Soki ata moto oyo afundi ngai akomaka bifundeli yango na mokanda!
36 Nalingaki komema yango na lipeka na ngai,Mpe nalingaki kotya yango na motó na ngai lokola motole ya lokumu.
37 Nalingaki kozongisa monɔkɔ epai ya Nzambe mpo na litambe na ngai mokomoko;Na elikya nyonso nalingaki kopusana penepene na ye lokola nkumu.
38 Soki mabele na ngai moko ebelelaki mpo na kofunda ngaiMpe soki banzela ya mikala na yango elelaki elongo;
39 Soki nalyaki mbuma na yango kozanga kofuta,+To soki nasalaki ete bankolo na yango bázanga elikya;*+
40 Soki bongo, tiká matiti ya nzubɛnzubɛ ebima na esika ya blé,Mpe matiti oyo ebimisaka nsolo mabe na esika ya ɔrje.”
Maloba ya Yobo esuki awa.
Maloba na nse
^ To mbala mosusu, “na bato ya lokuta?”
^ To, “bakitani na ngai bápikolama.”
^ Lil., “tiká mibali mosusu bágumba mabɔlɔngɔ na likoló na ye.”
^ Lil., “ekolya tii ekobebisa.”
^ To, “Ekopikola.”
^ To, “likambo ya kosamba.”
^ Lil., “akotɛlɛma?”
^ Lil., “na libumu.”
^ Lil., “nalɛmbisaki miso ya mwasi oyo mobali akufá.”
^ Lil., “banda na libumu ya mama na ngai.”
^ Lil., “ye.”
^ To mbala mosusu, “Ntango namonaki ete nazalaki na lisalisi na porte ya engumba.”
^ To, “mokuwa ya lipeka.”
^ To, “na mokuwa na yango ya likoló.”
^ Lil., “pole.”
^ Emonani ete yango ezalaki momeseno ya losambo ya bikeko.
^ To, “molimo.”
^ Lil., “mosuni.”
^ To, “Moto moko te oyo afandi mopaya.”
^ To, “Sinyatire na ngai yango oyo.”
^ To, “molimo ya bankolo na yango ezanga elikya.”
