Soki ozali elenge mpe mosakoli oyo azwi naino batisimo te to moyekoli ya Biblia, ozali kokana kozwa batisimo? Mpo na nini osengeli kokana kozwa batisimo? Mpo osala boyokani ya malamu ná Yehova osengeli liboso kozwa batisimo. (Nz 91:1) Yango nde ekobikisa biso. (1Pe 3:21) Okoki kosala nini mpo omipesa mpe ozwa batisimo?

Omindimisa yo moko ete ozali na kati ya solo. Ntango okómi na bantembe na motó, salá bolukiluki. (Ro 12:2) Luká koyeba makambo nini osengeli kobongola mpe ntango ozali kosala bambongwana yango, osengeli kozala na mokano ya kosepelisa Yehova. (Mas 27:11; Ef 4:23, 24) Bondeláká ye ntango nyonso asalisa yo. Zalá na kondima ete Yehova akopesa yo makasi mpe akosunga yo na nzela ya nguya ya elimo santu na ye. (1Pe 5:10, 11) Milende oyo ozali kosala ezali mpamba te. Kosalela Yehova nde likambo eleki ntina na bomoi!​—Nz 16:11.

TALÁ VIDEO MAKAMBO OYO EMEMAKA NA BATISIMO, MPE NA NSIMA YANOLÁ NA MITUNA OYO:

• Mikakatano nini bato mosusu balongaki mpo bázwa batisimo?

• Ndenge nini okoki kokóma na kondima makasi mpo omipesa na Yehova?

• Nini esalisaki bato mosusu bákokisa masɛngami mpo bázwa batisimo?

• Mapamboli nini baoyo baponaka kosalela Yehova bazwaka?

• Komipesa mpe kozwa batisimo elimboli nini?