Mpo na nini osengeli koyebisa baboti na yo polele makambo oyo ozali kokanisa? (Mas 23:26) Mpamba te Yehova apesá bango mokumba ya kobatela yo mpe kotambwisa yo. (Nz 127:3, 4) Ekozala mpasi mpo na bango básalisa yo soki ozali kobombela bango mitungisi mpe basekele na yo. Lisusu, okozwa te litomba na eksperiansi oyo bazwá na bomoi. Ezali mabe obomba makambo mosusu oyo ozali kokanisa mpo na yo moko? Te, kasi na bantango mosusu ekosɛnga okeba mpo baboti na yo bákóma te kokanisela yo mabe mpo yo moko ozali koloba te.​—Mas 3:32.

Ndenge nini okoki kosolola na baboti na yo? Luká koyeba ntango oyo ebongi mpo na yo mpe mpo na bango. Soki kosolola na bango ezali mokakatano mpo na yo, okoki kokomela bango mokanda mpo na koyebisa bango ndenge ozali komiyoka. Okosala nini soki balingi kolobela likambo oyo olingi te bólobela? Kobosana te ete balingi mpenza kosalisa yo. Yebá ete yo ná baboti na yo bozali ekipi moko, kasi banguna te. Milende oyo ozali kosala mpo na kosolola polele na baboti na yo ekosalisa yo na bomoi mpe okozwa bomoi ya seko na mikolo ezali koya!​—Mas 4:10-12.

TALÁ VIDEO BOLENGE NA NGAI​—NDENGE NINI NAKOKI KOSOLOLA NA BABOTI NA NGAI? MPE NA NSIMA YANOLÁ NA MITUNA OYO:

• Esther ná Partik bayaki koyeba nini?

• Ndakisa ya Yesu ekoki koteya yo nini?

• Makambo nini baboti na yo bazali kosala mpo na komonisa ete bazali kobatela yo?

• Mitinda nini ya Biblia ekoki kosalisa yo osololaka na baboti na yo?