Tolingaka kosepelisa Yehova na makambo nyonso oyo tosalaka. (Mas 27:11) Mpo na kosala bongo, tosengeli kozwa bikateli oyo eyokani na makanisi na ye ata soki mobeko moko ya polele ezali te. Nini ekoki kosalisa yo osala yango?

Zaláká na momeseno ya koyekola Biblia mbala na mbala. Ntango nyonso oyo totángaka Biblia, ezali lokola tozali kolekisa ntango elongo na Yehova. Tokoki koyekola ndenge oyo Yehova akanisaka soki totali ndenge oyo asalelaki basaleli na ye makambo mpe totaleli bandakisa ya baoyo basalaki malamu to mabe na miso na ye. Ntango tolingi kozwa ekateli moko, elimo santu ekoki kozongisa na makanisi na biso mateya ya ntina mpe mitinda oyo toyekolaki na Liloba ya Nzambe.​—Yn 14:26.

Saláká bolukiluki. Soki osengeli kozwa ekateli na likambo moko, omituna boye: ‘Bavɛrsɛ to masolo nini ya Biblia ekoki kosalisa ngai nayeba ndenge Yehova azali kotalela likambo yango?’ Bondelá Yehova asalisa yo, mpe salelá bisaleli ya bolukiluki oyo ezali na monɔkɔ na bino mpo esalisa yo omona mpe osalela mitinda ya Biblia oyo eyokani na likambo na yo.​—Nz 25:4.

TALÁ VIDEO TOSENGELI ‘KOYIKA MPIKO NTANGO TOZALI KOPOTA MBANGU’​—LYÁKÁ BILEI OYO ETONGAKA NZOTO, MPE NA NSIMA YANOLÁ NA MITUNA OYO:

• Na video oyo, mbamba nini bazalaki kotya ndeko mwasi?

  Eyano na yo

• Ndenge nini kosalela bisaleli ya bolukiluki ekoki kosalisa yo olonga mbamba lokola oyo wana?

  Eyano na yo

• Matomba nini tozwaka soki tozwi ntango ya kosala bolukiluki mpe tomipesi na boyekoli na biso moko oyo ekoki kosalisa biso tózwa bikateli ya malamu?​—Ebr 5:13, 14

  Eyano na yo