Na mikolo oyo ya nsuka, tozali kokutana na mikakatano mingi. Na bantango mosusu, tokoki komona ete ezali mpasi tóyikela mikakatano na biso mpiko. Kasi, soki tokobi kopusana penepene na Yehova, akosalisa biso tóyika mpiko na mikakatano oyo ezali mpasi mpo na biso. (Yis 43:2, 4) Ndenge nini tokoki kopusana penepene na Yehova ntango tozali kokutana na mikakatano?

Libondeli. Ntango tofungolelaka Yehova motema na biso, apesaka biso kimya ya makanisi mpe makasi ya koyika mpiko.​—Flp 4:6, 7; 1Te 5:17.

Makita. Lelo oyo, tozali na mposa ya bilei ya elimo mpe koyangana na makita na biso ndenge oyo Yehova abongisá yango. (Ebr 10:24, 25) Ntango tomibongisaka mpo na makita ya lisangá mpe topesaka biyano na makita, tozwaka matomba na lisalisi ya elimo oyo Yehova apesaka biso.​—Em 2:29.

Mosala ya kosakola. Tokomona ete ezali mpasi te kotya makanisi na makambo ya malamu soki tozali kosala nyonso oyo tokoki mpo na kosakola mingi. Tokokómisa mpe boninga na biso makasi elongo na Yehova mpe bandeko na biso bakristo.​—1Ko 3:5-10.

TALÁ VIDEO YEHOVA AKOYAMBA YO, MPE NA NSIMA YANOLÁ NA MITUNA OYO:

• Makambo nini esalisaki Malu azala ntango nyonso penepene na Yehova ntango azalaki kokutana na mikakatano?

  textarea-1

• Ndenge moko na Malu, ndenge nini maloba oyo ezali na Nzembo 34:18 ebɔndisaka biso ntango tozali kokutana na mikakatano?

  textarea-2

• Ndenge nini ndakisa ya Malu emonisi ete Yehova apesaka biso “nguya oyo eleki makasi” ntango tozali kokutana na mikakatano?​—2Ko 4:7

  textarea-3