Lokola azalaki mosali-mabaya, Yesu ayebaki ndenge ya kobongisa malamu ekanganeli, mbala mosusu kozinga yango bilamba to mposo ya nyama mpo epesa moto mpasi te ntango azali kosala mosala. Ntango tozwaka batisimo, tondimaka ekanganeli ya kozala bayekoli ya Yesu, mpe yango epesaka biso mosala mpe mikumba oyo ezali pɛtɛɛ te, kasi kosala bongo ezali eksperiansi moko malamu oyo ememaka mapamboli mingi.