BOMOI YA BAKRISTO
Salisá bana na yo bázala na kondima makasi ete Mozalisi azali
Biloko oyo ekelamá esakolaka nkembo ya Yehova. (Nz 19:1-4; 139:14) Kasi, mokili ya Zabolo ezali kobimisa makanisi ndenge na ndenge na oyo etali ndenge bomoi ebandá mpo na kobebisa lokumu ya Nzambe. (Ro 1:18-25) Okoki kosala nini mpo makanisi yango ezwa misisa te na makanisi mpe na motema ya bana na yo? Ntango bazali naino mike, bandá kosalisa bango bázala na kondima ete Yehova azali mpe ete atyelaka bango likebi. (2Ko 10:4, 5; Ef 6:16) Luká koyeba soki bakanisaka mpenza nini mpo na makambo oyo bateyaka bango na kelasi, mpe salelá biloko ndenge na ndenge oyo tozali na yango mpo na kosimba motema na bango.
BÓTALA VIDEO MAKAMBO BILENGE MOSUSU BALOBI: KONDIMA ETE NZAMBE AZALI; NA NSIMA BÓTALELA MITUNA OYO:
-
Bato balobaka nini na oyo etali kondima ete Nzambe azali?
-
Na kelasi na biso bateyaka nini?
-
Nini endimisaka yo ete Yehova azali?
-
Okoki koloba nini mpo na kosalisa moto amona ete Nzambe nde akelá biloko nyonso?
Talá mpe...
MITUNA OYO BILENGE BATUNAKA
Bomoi ekelamá to ebimá yango moko?—Eteni 1: Mpo na nini kondima ete Nzambe azali?
Olingi koyeba ndenge ya kolimbola kozanga kobanga ntina oyo ondimaka ete Nzambe azali? Talá oyo okoki koloba soki moto atuni yo ntina oyo ondimaka ete Nzambe azali.
