MAKAMBO YA MOTUYA NA LILOBA YA NZAMBE | BAROMA 4-6
“Nzambe azali kolakisa biso bolingo na ye”
Likabo ya lisiko oyo Yehova apesá ezali na ntina mingi mpo na kozongisa lokumu na ye mpe kolongisa boyangeli na ye. Kasi, lisiko efungoleli biso mpe nzela ya kokóma baninga ya Yehova sikoyo mpe epesi bato nyonso ya botosi elikya ya kozala na bomoi ya malamu na mikolo ezali koya.
Ndenge nini tokoki komonisa botɔndi mpo na likabo ya lisiko?
-
Komipesa mpe batisimo emonisaka ete tozali na kondima na lisiko mpe ete tolingi kozala bato ya Yehova
-
Kosakola nsango malamu ya Bokonzi ya Nzambe emonisaka ete tomekolaka bolingo oyo Yehova azalaka na yango mpo na bato ya lolenge nyonso.—Mt 22:39; Yn 3:16
Makambo nini mosusu nakoki kosala mpo na kopesa Yehova matɔndi mpo na likabo ya lisiko?
