BOMOI YA BAKRISTO
Ndenge ya kosalela bavideo mpo na boyekoli ya Biblia
Tozali na bavideo minei mpo na kosalela na mosala ya kosakola. Na mokano nini bavideo yango esalemaki?
-
Mpo na nini koyekola Biblia?—Video ya molai esalemaki mpo na kolamwisa mposa ya moto na Biblia ezala moto yango asambelaka na lingomba nini. Elendisaka bato oyo bazali kotala bazwa biyano na mituna ya minene oyo etali bomoi mpe biyano oyo bakomona kuna ebongi mpenza. Elimboli mpe ndenge ya kosɛnga boyekoli ya Biblia.
-
Mpo na nini koyekola Biblia? (Na mokuse na yango) ezali ndenge moko na video ya molai kasi oyo ezali kaka ya mokuse. Ezali malamu kosalela yango na teritware oyo bato bazalaka na ntango mingi te mpo na kosolola.
-
Boyekoli ya Biblia esalemaka ndenge nini? esalemi mpo na kolamwisa mposa ya bato ya koyekola Biblia ofele mpe epesi eyano na mituna oyo bato bamitunaka mingimingi oyo etali Biblia, mpe ndenge ya kosɛnga boyekoli.
-
Boyei malamu na boyekoli na yo ya Biblia esalemi mpo na kolakisa moyekoli ya Biblia. Atako video yango ezali na lokasa ya mibale ya buku Sepelá na bomoi libela na libela!, ekoki mpe kolakisama ntango bozali koyekola mwa buku Sepelá na bomoi libela na libela!. Video yango ezali komonisa makambo oyo ezali na kati ya buku mpe makambo oyo moyekoli akosala na boumeli ya boyekoli ya Biblia.
Atako bavideo yango esalemaki mpo na mokano moko ya sikisiki, mokomoko na yango ekoki kolakisama mpe kotindela moto na ntango oyo ebongi. Basakoli balendisami ya komesana na yango mpe kosalela yango malamumalamu na mosala ya kosakola.
