29/04–05/05
NZEMBO 34-35
Loyembo 10 mpe libondeli | Maloba ya ebandeli (Min. 1)
1. ‘Sanzolá Yehova ntango nyonso’
(Min. 10)
Davidi asanzolaki Yehova ata ntango azalaki na mikakatano (Nz 34:1; w07 1/3 lok. 22 par. 11)
Davidi amikumisaki na Yehova, kasi ye moko te (Nz 34:2-4; w07 1/3 lok. 22 par. 13)
Maloba ya lisanzoli ya Davidi elendisaki baninga na ye (Nz 34:5; w07 1/3 lok. 23 par. 15)
Nsima ya kolongwa epai ya Abimeleke, mibali 400 oyo bazalaki kosepela te na boyangeli ya Saulo balandaki Davidi na esobe. (1Sa 22:1, 2) Ekoki kozala ete Davidi azalaki kokanisa mibali yango ntango akomaki nzembo yango.—Nz 34, maloba oyo ezali likoló.
OMITUNA BOYE: ‘Ndenge nini nakoki kosanzola Yehova ntango nazali kosolola na moto na makita oyo ekoya?’
2. Biloko ya motuya ya elimo
(Min. 10)
-
Nz 35:19—Davidi alingaki koloba nini ntango asɛngaki Yehova atika te ete baoyo bazali koyina ye “báfinana liso”? (w06 15/5 lok. 20 par. 2)
-
Biloko nini ya motuya ozwi na botángi ya Biblia ya pɔsɔ oyo, oyo okosepela kolobela?
3. Botángi ya Biblia
(Min. 4) Nz 34:1-22 (th liteya 5)
4. Ndenge ya kobanda lisolo
(Min. 2) LlTATOLI YA LIBAKU MALAMU. Lisolo ekatani liboso kutu opesa litatoli. (lmd liteya 1 pwɛ 4)
5. Kolandela bokoli
(Min. 4) LlTATOLI YA LIBAKU MALAMU. (lmd liteya 2 pwɛ 4)
6. Kolimbola bindimeli na yo
(Min. 5) Elakiseli. ijwfq 59—Motó ya likambo: Ndenge nini Batatoli ya Yehova bayebaka ete fɛti boye to boye ezali mabe to te? (th liteya 17)
Loyembo 59
7. Lolenge misato ya kosanzola Yehova na makita
(Min. 15) Lisolo na bayangani.
Makita epesaka biso mabaku kitoko mpenza ya kosanzola Yehova. Talá lolenge misato ya kosala yango.
Masolo: Lobeláká bolamu ya Yehova ntango ozali kosolola na basusu. (Nz 145:1, 7) Oyokaki to otángaki lisolo moko oyo esalisi yo? Okutanaki na likambo moko ya malamu na mosala ya kosakola? Olendisamaki na maloba to misala ya ndeko moko? Omonaki eloko moko na bozalisi oyo ekamwisaki yo? Nyonso wana ezali makabo ya Yehova. (Yak 1:17) Kómá mwa baminiti liboso mpo ete ozwa ntango ya kosolola na basusu.
Biyano: Luká kopesa ata eyano moko na likita nyonso. (Nz 26:12) Okoki kopesa mbala moko eyano na motuna to kolobela likanisi mosusu, vɛrsɛ, elilingi, to liteya. Lokola na ntembe te basusu mpe bakotombola mabɔkɔ ntango yo mpe otomboli, bongisá biyano ebele. Bato mingi ‘bakopesa Nzambe mbeka ya lisanzoli’ soki biyano na biso ezali segɔnde 30 to na nse.—Ebr 13:15.
Nzembo: Yembáká nzembo ya Bokonzi na esengo. (Nz 147:1) Mbala mosusu okozwa libaku te ya kopesa biyano na makita nyonso, mingimingi na lisangá ya monene, kasi okoki ntango nyonso koyemba. Ata soki omoni ete oyembaka malamu te, ntango osali nyonso oyo okoki, okoki komindimisa ete okosepelisa Yehova! (2Ko 8:12) Okoki komibongisa na komekameka koyemba na ndako.
Lakisá VIDEO Lisolo ya ebongiseli na biso—Likabo ya nzembo, Eteni 1. Na nsima tuná bayangani boye:
Na ebandeli ya lisolo ya ebongiseli na biso na mikolo na biso, ndenge nini tomonisaki ete koyembela Yehova masanzoli ezali na ntina?
8. Boyekoli ya Biblia na lisangá
(Min. 30) bt mok. 9 par. 1-7, maloba ya ebandeli na eteni 3, mpe etanda na lok. 70
