17-23/03
MASESE 5
Loyembo 122 mpe libondeli | Maloba ya ebandeli (Min. 1)
1. Zalá mosika na pite
(Min. 10)
Pite ekoki mpenza kobenda moto (Mas 5:3; w00 15/7 29 par. 1)
Pite ebimisaka mbuma ya mabe mpenza (Mas 5:4, 5; w00 15/7 29 par. 2)
Zalá mosika na pite (Mas 5:8; w00 15/7 29 par. 5)
Ndeko mwasi moko aboyi kopesa mwana mobali moko nimero na ye
2. Biloko ya motuya ya elimo
(Min. 10)
-
Mas 5:9—Na ndenge nini moto oyo asali pite apesi ‘lokumu na ye epai ya bato mosusu’? (w00 15/7 29 par. 7)
-
Biloko nini ya motuya ya elimo oyo ozwi na botángi ya Biblia ya pɔsɔ oyo, okosepela kolobela?
3. Botángi ya Biblia
(Min. 4) Mas 5:1-23 (th liteya 5)
4. Ndenge ya kobanda lisolo
(Min. 3) NA BISIKA YA BATO NYONSO. Bengisá na Ekaniseli moto oyo ayebi makambo ya lingomba ya bokristo te, mpe salelá site jw.org mpo na kolakisa ye esika Ekaniseli ekosalema pene na ye. (lmd liteya 6 pwɛ 4)
5. Kolandela bokoli
(Min. 4) NDAKO NA NDAKO. Mbala eleki, moto yango andimaki lokasa ya libyangi ya Ekaniseli mpe asepelaki. (lmd liteya 9 pwɛ 5)
6. Kokómisa bato bayekoli
(Min. 5) lff liteya 16 na mokuse, bozongeli, mpe oyo okoki kosala. Ntango moyekoli atuni soki Yesu abalaki, lakisá ye ndenge ya kosala bolukiluki mpo na kozwa eyano. (lmd liteya 11 pwɛ 4)
Loyembo 121
7. Ndenge ya kotikala pɛto ntango olingani na moto
(Min. 15) Lisolo na bayangani.
Mbala mingi, bakoki kolobela kolingana na moto ntango mwana mobali ná mwana mwasi bazali kolekisa ntango elongo mpe kotyelana likebi na ndenge oyo emonisi ete basepelani. Bakoki kolekisa ntango elongo na basusu to bango mibale kaka, na miso ya bato to na nkuku, na telefone, to na nzela ya bamesaje. Mpo na biso, kolingana na moto ezali lokola kominanola te, kasi ezali koluka koyeba moto malamu mpo lobilobi bóbalana. Okoki kosala nini mpo otikala pɛto mpe okwea na pite te ntango olingani na moto, ozala elenge to mokóló?—Mas 22:3.
Lakisá VIDEO Komibongisa mpo na libala—Eteni 1: Nakoki kolingana na moto?—Video ya mokuse. Na nsima tuná bayangani boye:
-
Mpo na nini esengeli kolingana na moto kaka soki okoki mpo na libala? (Mas 13:12; Lk 14:28-30)
-
Nini esepelisi yo ndenge baboti wana na video basalisaki mwana na bango ya mwasi?
Tángá Masese 28:26. Na nsima tuná bayangani boye:
-
Mwana mobali ná mwana mwasi oyo balingani bakoki kosala nini mpo na kokima makambo oyo ekoki kokweisa bango?
-
Mpo na nini ezali likambo ya bwanya mwana mobali ná mwana mwasi básolola liboso mpo na komityela bandelo na oyo etali komoniselana lolango, na ndakisa kosimbana na lobɔkɔ to kopesana bizi?
Tángá Baefese 5:3, 4. Na nsima tuná bayangani boye:
-
Likambo nini mwana mobali ná mwana mwasi basengeli kobosana te ntango bazali kosolola na telefone to na nzela ya Internet?
8. Boyekoli ya Biblia na lisangá
(Min. 30) bt mok. 24 par. 1-6
