Moninga ezali “moto oyo akangami na moto mosusu mpo alingaka ye to asepelaka na ye.” Na ndakisa, ntango Davidi alongaki Goliate, Yonatane ná Davidi basalaki boninga oyo ekokaki kokufa te. (1Sa 18:1) Bango mibale bazalaki na bizaleli oyo esalaki ete bákóma baninga. Yango wana, boninga ya makasi esimbamaka na boyebi ya solosolo. Koluka koyeba moto malamumalamu esɛngaka ntango mpe milende. Nzokande, mpo na kokóma “moninga” ya moto na basite Internet ya kosolola na bato, esɛngaka kaka kofina na esika moko ya moke. Lokola bato babongisaka malamumalamu makambo oyo bakoloba mpe ndenge oyo balingi bato bámona bango na basite Internet ya kosolola na bato, ezalaka pɛtɛɛ mpo bábomba lolenge ya bato oyo bazali mpenza. Na yango, ezali na ntina ozwa ekateli ya koyeba lolenge ya baninga oyo okondima. Soki moto moko oyo oyebi malamu te alingi okóma moninga na ye na basite Internet ya kosolola na bato, kondima ye kaka te mpo na koboya koyokisa ye mpasi. Na kotalela makama oyo ezalaka na basite yango, bato mosusu bazwá ekateli ya kosalela yango te. Kasi, soki ozwi ekateli ya kosalela basite yango, makambo nini osengeli kobosana te?

TALÁ VIDEO KEBÁ NA BASITE INTERNET YA KOSOLOLA NA BANINGA, MPE NA NSIMA YANOLÁ NA MITUNA OYO:

• Makambo nini osengeli kotalela liboso ya kotya bakomantɛrɛ mpe bafɔtɔ na basite Internet ya kosolola na bato?

• Mpo na nini osengeli kopona baninga na likebi na basite Internet ya kosolola na bato?

• Mpo na nini osengeli kotya ndelo na ngonga oyo okolekisa na basite ya Internet kosolola na bato?​—Ef 5:15, 16