MAKAMBO YA MOTUYA NA LILOBA YA NZAMBE | YOBO 6-10
Moto ya sembo Yobo amonisi mpasi na ye
Yobo abungisaki biloko na ye nyonso, bana na ye nyonso bakufaki mpe abɛlaki makasi; kasi atikalaki sembo. Na yango, Satana alukaki kolɛmbisa ye nzoto mpo abebisa bosembo na ye. “Baninga” na ye misato bayaki kotala ye. Bamonisaki naino na miso ya bato ete bazali na mawa. Na nsima, bafandaki kimya elongo na Yobo na boumeli ya mikolo sambo mpe balobaki ata liloba moko te ya kobɔndisa. Makambo oyo balobaki na nsima etɔndaki na bifundeli ya mabe mpenza.
Yobo abatelaki bosembo na ye epai ya Yehova atako baninga na ye bazalaki kotya ye mpanzi likoló
-
Lokola mpasi elekaki makasi, yango esalaki ete Yobo atalela makambo na ndenge ya malamu te. Na libunga mpenza, Yobo akanisaki ete Nzambe akipaka ye te azala na kondima to te
-
Kolɛmba nzoto esalaki ete Yobo aluka te koyeba makambo mosusu oyo, mbala mosusu, ebimiselaki ye mpasi
-
Atako azalaki na mpasi makasi, Yobo azalaki kaka komonisa bafundi na ye ete alingaka Yehova mingi
