“Bósɛnzɛlaka”
Atako ndakisa ya bangɔndɔ zomi oyo Yesu apesaki etalelaki nde bakristo oyo batyami mafuta na elimo, nsango na yango etaleli mpe bakristo nyonso. (w15 15/3 nk. 9-14) “Yango wana, bósɛnzɛlaka mpamba te boyebi mokolo te mpe ngonga te.” (Mt 25:13) Okoki kolimbola ndakisa yango?
-
Mobali ya libala (vs. 1)—Yesu
-
Bangɔndɔ ya mayele oyo bamilɛngɛlaki (vs. 2)—Bakristo oyo batyami mafuta na elimo oyo bamilɛngɛlaki mpo na kokokisa mokumba na bango na bosembo nyonso mpe bazali kongɛnga lokola miinda tii na nsuka (Flp 2:15)
-
Mongongo moko eyokanaki: “Mobali ya libala ayei!” (vs. 6)—Elembeteli ya kozala ya Yesu
-
Bangɔndɔ ya bazoba (vs. 8)—Bakristo oyo batyami mafuta na elimo oyo babimi kokutana na mobali ya libala kasi bakobi te kosɛnzɛla mpe kobatela bosembo na bango
-
Bangɔndɔ ya mayele baboyi kokaba mafuta na bango (vs. 9)—Nsima ya kotyama elembo ya nsuka, bakristo ya sembo oyo batyami mafuta na elimo bazali lisusu na likoki te ya kosalisa moto nyonso azangaki bosembo
-
“Mobali ya libala akómaki” (vs. 10)—Yesu ayei kosambisa pene na nsuka ya bolɔzi monene
-
Bangɔndɔ ya mayele bakɔti na fɛti ya libala elongo na mobali ya libala, mpe porte ekangami (vs. 10)—Yesu ayanganisi bakristo ya sembo oyo batyami mafuta na elimo na likoló, kasi baoyo bazangi bosembo babungisi mbano yango