Lakisá makambo oyo ezali na kati

Kende na mitó ya makambo

Kokɔta na site (opens new window)

Batatoli ya Yehova

Poná monɔkɔ Lingala Kokɔta na site (opens new window)

TÁNGÁ NA

MAKAMBO YA MOTUYA NA LILOBA YA NZAMBE | YOBO 16-20

Lendisáká basusu na maloba ya boboto

YOKÁ NA

Lendisáká basusu na maloba ya boboto

Maloba ya moto oyo azali kopesa toli esengeli kolendisa basusu

Yobo alɛmbaki nzoto mpe azalaki kotungisama, yango wana azalaki na mposa ete basusu básalisa mpe bálendisaye
Baninga misato ya Yobo balobelaki ye ata liloba moko te ya kobɔndisa. Kutu, bakoselaki ye nde makambo mpe babakiselaki ye mpasi

Maloba mabe ya Biledade ebakiselaki Yobo mpasi mingi lisusu

Yobo asɛngaki Nzambe ete akufa mpo amona lisusu mpasi te
Yobo atyaki makanisi na ye nyonso na elikya ya lisekwa mpe akobaki koyika mpiko na bosembo mpenza

BATO OYO BAKOSELAKI YOBO MAKAMBO

Elifaze:

Ekoki kozala ete azalaki moto ya Temane, na mokili ya Edome. Yirimia 49:7 elobi ete Temane ezalaki esika oyo bato ya bwanya ya Edome bazalaki kofanda
Mbala mosusu Elifaze azalaki mokóló mpe na lokumu mingi koleka “babɔndisi” mosusu, yango wana alobaki liboso. Asalaki diskur misato mpe alobaki mingi koleka baninga na ye mibale

Makambo oyo akoselaki Yobo:

Atyolaki bosembo ya Yobo mpe alobaki ete Nzambe atyelaka basaleli na ye motema te (Yb 4, 5)
Abengaki Yobo moto mabe mpe ya lofundo, mpe alobaki ete Yobo abangaka Nzambe te (Yb 15)
Akosaki ete Yobo akabaka te mpe azangi boyengebene, mpe alobaki ete moto azali na ntina te na miso ya Nzambe (Yb 22)

Biledade:

Azalaki moto ya libota ya Shua. Ekoki kozala ete azalaki kofanda pembeni ya ebale Efrate
Azalaki moto ya mibale ya koloba. Diskur misato oyo asalaki ezalaki mokuse kasi etondaki na maloba mabe koleka oyo ya Elifaze

Makambo oyo akoselaki Yobo:

Alobaki ete bana ya Yobo basalaki masumu mpe ebongaki mpenza likama wana ekwela bango; mpe alobaki lisusu ete Yobo andimelaka Nzambe te (Yb 8)
Alobaki ete Yobo azali moto mabe ( Yb 18)
Alobaki ete bosembo ya moto epai ya Nzambe ezali na ntina te (Yb 25)

Zofare:

Azalaki Monaamate, mpe mbala mosusu azalaki kofanda na Nɔrdi-wɛsti ya Arabia
Azalaki moto ya misato ya koloba mpe alobaki makambo ya mabe koleka. Asalaki kaka diskur mibale

Makambo oyo akoselaki Yobo:

Alobaki ete Yobo azalaki koloba bilobaloba mpe ayebisaki ye atika kosala mabe (Yb 11)
Alobaki ete Yobo azali moto mabe mpe asepelaka na masumu (Yb 20)

MOKANDA YA LIKITA BOMOI MPE MOSALA

Lendisáká basusu na maloba ya boboto

Lingala

Lendisáká basusu na maloba ya boboto

https://cms-imgp.jw-cdn.org/img/p/202016123/univ/art/202016123_univ_sqr_xl.jpg