MAKAMBO YA MOTUYA NA LILOBA YA NZAMBE | MARKO 3-4
Abikisi moto ya maladi na mokolo ya Sabata
Mpo na nini ezaleli ya bakonzi ya mangomba ya Bayuda eyokisaki Yesu mawa mingi? Mpo bakómisaki sabata kilo mpo babakisaki bipekiseli mingi ezangá ntina. Na ndakisa, bapekisaki koboma nsili. Kobikisa moto endimamaki kaka soki bomoi na ye ezalaki na likama. Yango elimbolaki ete na Sabata, bakoki te kosalisa moto oyo abukani to azoki. Emonani polele ete bakonzi ya mangomba wana bazalaki na mawa te mpo na moto wana oyo lobɔkɔ na ye ekauká.
