Lokola mokili oyo ezali se kokóma na nsuka, tozali komizela ete makambo lokola mobulu ya bana-mboka, terorisme, mpe bitumba ekoki kosalema mingi. (Em 6:4) Ndenge nini tokoki komibongisa mpo na mikakatano yango?

• Omibongisa na elimo: Yekolá mitinda mpe masolo ya Biblia oyo ekokómisa makasi kondima na yo epai ya Yehova, na ebongiseli na ye, mpe oyo ekosalisa yo okɔta te na makambo ya mokili. (Mas 12:5; jr mok. 10 par. 23-24) Oyo ezali ntango ya kokómisa makasi boninga na biso ná bandeko ya lisangá.​—1Pe 4:7, 8

• Omibongisa na mosuni: Kanisá esika nini okofanda mpo obatelama malamu mpe biloko ya kobikela oyo osengeli kobomba. Lisusu, kanisá makambo oyo osengeli kosala soki esɛngi bókima. Talá malamu biloko oyo otye na sakosi na yo, kobosana te kotya mwa mbongo na kati mpe biloko mosusu mpo na komibatela. Yebá ndenge ya kosala mpo na kokutana na bankulutu, mpe salá ete bango mpe bázala na likoki ya kokutana na yo.​—Yis 32:2; g17.5 nk. 3-7

Batelá mimeseno na yo ya elimo na ntango ya mobulu. (Flp 1:10) Zalá kaka na ndako mpe kobima mpambampamba te. (Mt 10:16) Kabelá bandeko bilei mpe biloko mosusu oyo bazali na yango mposa.​—Ro 12:13

TALÁ VIDEO OMIBONGISI MPO NA MAKAMA OYO EKOKI KOBIMA? MPE NA NSIMA YANOLÁ NA MITUNA OYO:

• Ndenge nini Yehova akoki kosalisa biso ntango likama moko ebimi?

• Wapi mwa makambo ya ntina tokoki kosala mpo na komibongisa?

• Ndenge nini tokoki kosalisa bato oyo bakutani na makama?