‘Yehova asepelaka na bato na ye.’ (Nz 149:4) Atako tozali bato ya kozanga kokoka, amonaka bizaleli na biso ya malamu mpe makambo ya malamu oyo tokoki kosala. Kasi na bantango mosusu, ekómaka mpasi mpo biso moko tómitalela na ndenge ya malamu. Mbala mosusu tomimonaka ete tozali na ntina te na kotalela ndenge bato mosusu bazali kosalela biso makambo. To, soki totye makanisi kaka na mabunga oyo tosalá kala, tokoki ata komituna soki Yehova alingaka biso mpenza. Nini ekoki kosalisa biso soki tokómi na mayoki ya ndenge wana?

Kobosana te ete Yehova amonaka oyo moto akoki komona te. (1Sa 16:7) Yango elingi koloba, amonaka koleka ata oyo tomonaka epai na biso moko. Tozali na esengo mpo Biblia elakisi biso ndenge oyo Yehova atalelaka biso. Tokoki koyeba ndenge na ye ya kotalela makambo ntango tozali kotánga bavɛrsɛ mpe masolo ya Biblia oyo emonisi ndenge Yehova alingaka basaleli na ye.

TALÁ VIDEO NDIMISÁ MOTEMA NA YO ETE ONDIMAMI LIBOSO YA YEHOVA, MPE NA NSIMA YANOLÁ NA MITUNA OYO:

• Ndakisa ya mopoti-mbangu ná tata na ye eteyi biso nini mpo na ndenge oyo Yehova atalelaka biso?

  Eyano na yo

• Soki moto oyo asalaki lisumu ya monene mpe asali oyo esengeli mpo na kobongisa boyokani na ye na Yehova, ndenge nini akoki kondimisa motema na ye ete andimami liboso ya Yehova?​—1Yn 3:19, 20

  Eyano na yo

• Ndenge nini komanyola na lisolo ya Davidi mpe ya Yehoshafate esalisaki ndeko mobali oyo tolandi na video?

  Eyano na yo