BOMOI YA BAKRISTO
Osalelaka JW Library?
JW Library ezali programɛ moko ya ofele na Internet oyo ekosalisa yo ozwa Biblia mpe mikanda mosusu, bavideo mpe biloko ya koyoka mpo na kotya na telefone, tablɛti, to ordinatɛrɛ na yo.
NDENGE YA KOTYA YANGO: Kɔtá na Internet, finá programɛ oyo ebombá baprogramɛ na kati mpe zwá programɛ JW Library. Programɛ yango ezalaka na baaparɛyi ebele. Wana ozali na Internet, fungolá programɛ JW Library mpe poná makambo oyo osepeli kozwa mpe kotya na aparɛyi na yo. Soki bozali na Internet na ndako te, okoki kokende na Ndako ya Bokonzi, na bibliotɛkɛ moko ya bato nyonso, to cyber café. Soki ozwi mikanda mpe otye yango na aparɛyi na yo, ekosɛnga lisusu Internet te mpo omona yango. Lokola makambo ya sika ebakisamaka mbala na mbala na programɛ JW Library, osengeli kokɔtaka mbala na mbala na Internet mpo na kobongisa programɛ yango.
MPO NA NINI KOZALA NA YANGO? Programɛ JW Library ezali malamu mingi mpo na boyekoli na yo moko mpe mpo na kolanda makita malamu. Esalisaka mpe mingi na mosala ya kosakola, mingimingi na litatoli ya libaku malamu.
Talá mpe...
MOSALA YA KOSAKOLA
Tósalela JW.ORG mpo na kopalanganisa nsango ya Biblia
Batatoli ya Yehova, ezala bilenge to mikóló, balingaka kosalela site na bango ya Internet oyo ebongisami lisusu mpo bato mingi koleka báyoka nsango malamu ya Bokonzi ya Nzambe.
LISALISI NA INTERNET
JW Library
Mpo na kotánga mpe koyekola Biblia, salelá Libongoli ya Mokili ya Sika. Kokanisá makomi na yango ná oyo ya Biblia mosusu.
