MPO NA NINI EZALI NA NTINA: Ndenge moko na bisaleli mosusu, basite Internet ya kosolola na baninga ekoki kosalisa to kobebisa yo. Bakristo mosusu baboyaka kosalela basite Internet yango. Basusu basalelaka yango mpo na kosolola na bato ya libota mpe baninga. Kasi, Zabolo alingi ete tósalela basite yango na mayele te, mpo yango ekoki kobebisa lokumu na biso mpe boyokani na biso na Yehova. Tokoki kosalela mitinda oyo ezali na Liloba ya Nzambe ndenge Yesu asalaki mpo tóyeba makama mpe tókima yango.​—Lk 4:4, 8, 12.

MITAMBO YA KOKIMA:

• Kosalela basite Internet koleka ndelo. Kolekisa ebele ya bangonga na basite yango ekoki kozangisa biso ntango ya kosala makambo ya elimo

  Toli ya Biblia: Ef 5:15, 16; Flp 1:10

• Kotala bililingi oyo ebongi te. Kotala bililingi ya mabe ekoki kotinda moto akóma na momeseno ya kotala pornografi to kosala makambo ya mbindo. Kotánga makambo oyo bapɛngwi batyaka na basite yango ekoki kobebisa kondima na yo

  Toli ya Biblia: Mt 5:28; Flp 4:8

• Kotya bakomantɛrɛ to bafɔtɔ oyo ebongi te. Lokola motema ezalaka na bokosi, moto akoki kobendama na kotya bakomantɛrɛ to bafɔtɔ oyo ebongi te na site Internet. Kasi, yango ekoki kobebisa lokumu na ye to kolɛmbisa kondima na ye

  Toli ya Biblia: Ro 14:13; Ef 4:29

TALÁ VIDEO KEBÁ NA BASITE INTERNET YA KOSOLOLA NA BANINGA, MPE NA NSIMA TALELÁ LISUSU NDENGE YA KOKIMA MAKAMBO OYO: