OMIPESA NA MOSALA YA KOSAKOLA | BAKISÁ ESENGO NA YO NA MOSALA YA KOSAKOLA
Omityaka na esika ya basusu
Komitya na esika ya basusu ezali likoki ya koyeba makanisi, mayoki, bizaleli mpe bamposa na bango. Bato mosusu bayebaka ntango tomityaka na esika na bango. Soki tolingi mpenza kosalisa basusu, yango ekosalisa biso tómitya na esika na bango. Tomekolaka Yehova ntango tomityaka na esika ya bato na mosala ya kosakola, tolingaka bango mpe totyelaka bango likebi. Yango ebendaka bango epai ya Yehova.—Flp 2:4.
Tomityaka na esika ya basusu kaka te ntango tozali koteya bango; kasi mpe ntango toyokaka bango mpe ndenge tolobaka na bango. Yango emonanaka na mayoki na biso, na bajɛstɛ tozali kosala mpe ndenge elongi na biso ezali komonana. Tokomitya na esika ya moto soki tozali mpenza kotyela ye likebi, kotalela mposa na ye, bindimeli na ye, mpe makambo ya bomoi na ye. Lisusu, tokomitya na esika na ye, soki tozali koyebisa ye makambo ya ntina oyo asengeli kosala mpe kosalisa ye; kasi te kotya ye mbamba ete abongwana. Ntango bato mosusu bandimaka lisalisi oyo topesaka bango, yango ebakisaka esengo na biso na mosala ya kosakola.
TALÁ VIDEO OKOKI KOYOKA ESENGO YA KOKÓMISA BATO BAYEKOLI—KOLISÁ MAKOKI NA YO—OMITYAKA NA ESIKA YA BASUSU, MPE NA NSIMA TUNÁ MITUNA OYO:
-
Ndenge nini Neeta amityaki na esika ya Rose ntango Rose akómaki na retare?
-
Ndenge nini Neeta amityaki na esika ya Rose ntango Rose ayebisaki ye ete azali na makambo mingi ya kosala mpe likoki ya koyekola ezali te?
-
Ntango tomityaka na esika ya basusu, yango ebendaka bango epai ya Yehova
Ndenge nini Neeta amityaki na esika ya Rose ntango Rose ayebisaki ye ete ayebi kotya makambo na molɔngɔ te?
