Yehova azalaki kosalisa babola na Yisraele ya kala. Lelo oyo, ndenge nini azali kosalisa basaleli na ye oyo bazali babola?

• Azali koteya bango bázala na bokatikati na makambo etali mbongo.​—Lk 12:15; 1Ti 6:6-8

• Azali kosalisa bango bámimona ete bazali na valɛrɛ.​—Yb 34:19

• Azali koteya bango básalaka mosala makasi mpe báboya mimeseno ya mabe.​—Mas 14:23; 20:1; 2Ko 7:1

• Azali kobenda bango na lisangá ya bakristo oyo balinganaka.​—Yn 13:35; 1Yn 3:17, 18

• Apesi bango elikya.​—Nz 9:18; Yis 65:21-23

Atako makambo ya bomoi na biso ekoki kozala mpasi ndenge nini, tosengeli te komitungisa koleka ndelo. (Yis 30:15) Yehova akokokisa bamposa na biso ya mosuni wana tozali kokoba kotya matomba ya Bokonzi na ye na esika ya liboso.​—Mt 6:31-33.

TALÁ VIDEO BOLINGO ESILAKA SOKI MOKE TE ATAKO . . . BOBOLA​—CONGO, MPE NA NSIMA YANOLÁ NA MITUNA OYO:

• Ndenge nini bandeko oyo bafandi esika mayangani esalemaka bamonisaki bolingo mpe ezaleli ya koyamba bapaya epai ya bandeko oyo basalaki mibembo mpo na koya na mayangani?

• Ndenge nini video oyo emonisi ete Yehova alingaka babola?

• Tózala babola to bazwi, ndenge nini tokoki komekola Yehova?