Bandeko basalaka mosala makasi mpo na kobongisa eteni “Ndenge ya kobanda lisolo”, mpe basakoli mingi bamoni ete ezali kobimisa matomba mingi na teritware na bango. Nzokande, lokola makambo ezalaka ndenge moko te na bisika mingi na mokili, basakoli bakoki kosalela lolenge mosusu ya kobanda lisolo to kolobela lisolo mosusu oyo ekosepelisa bato ya teritware na bango na mosala ya kosakola. Kasi biso nyonso tosengeli kolanda malako nyonso oyo epesami na ntango ya kampanye moko ya sipesiale. Mokano na biso ezali ya kokokisa etinda ya Yesu, elingi koloba, kosakola nsango malamu ya Bokonzi.​—Mt 24:14.

Ntango basakoli bazali kosala badevuare na bango ya bana-kelasi, basengeli kolobela lisolo oyo ezali na eteni “Ndenge ya kobanda lisolo”, oyo ezali na Mokanda ya likita Bomoi mpe mosala. Kasi, soki malako mosusu epesami te, bakoki kobongola motuna, vɛrsɛ, motuna ya kotika, to kadre ya lisolo mpo ebimisa matomba mingi na teritware na bango. Malako oyo ezwi esika ya malako oyo ezali na lokasa 8 ya mokanda ya likita ya sanza ya 06/2020.