Biblia ezali na bandakisa mingi ya mabondeli oyo Yehova ayanolaki. Ntango basaleli ya Nzambe bamonaki ndenge Yehova ayokaki mitungisi na bango mpe asalisaki bango, kondima na bango ekómaki lisusu makasi. Yango wana, ezali na ntina tólobaka polelepolele ntango tozali kosala mabondeli na biso moko mpe tóluka komona eyano ya Yehova. Tóbosana te ete Yehova akoki koyanola na mabondeli na biso na lolenge oyo tokanisaki te. (2Ko 12:7-9; Ef 3:20) Yehova akoki kopesa biso nini ntango tobondeli ye?

• Makasi na nzoto, makanisi ya kimya, to kondima mpo na koyikela mokakatano moko mpiko.​—Flp 4:13

• Bwanya mpo na kozwa ekateli ya malamu.​—Yk 1:5

• Mposa mpe nguya ya kosala.​—Flp 2:13

• Kimya ntango tozali na mitungisi.​—Flp 4:6, 7

• Lisungi to libɔndisi ya bandeko.​—1Yn 3:17, 18

• Lisalisi oyo apesaka bandeko oyo tobondelaka mpo na bango.​—Mis 12:5, 11

TALÁ VIDEO YEHOVA AZALI “MOYOKI YA LIBONDELI,” MPE NA NSIMA YANOLÁ NA MITUNA OYO:

• Ndenge nini lisolo ya ndeko Shimizu ekoki kolendisa biso ntango tozali na likoki ya kosala mingi te mpo nzoto ezali malamu te?

• Ndenge nini tokoki komekola ndakisa ya ndeko Shimizu?