Mosala ya mobongisi-nzela ya sanza na sanza esɛngaka programɛ ya malamu. Soki ozali kosakola ngonga 18 na pɔsɔ moko, okoki kozala mobongisi-nzela—mpe okozanga ntango ya kopema te! Programɛ ya ndenge wana esimbaka ata soki makambo mosusu ebimi, na ndakisa maladi, malili, to mbula. Etanda oyo ezali na nse ezali na makanisi ya malamu mpo basakoli oyo basalaka mikolo mosusu na pɔsɔ to pɔsɔ mobimba, baoyo bazali na maladi, to oyo bazali na makasi mingi te. Soki bobongisi makambo mosusu, ata moto moko na libota akoki kobanda mosala ya mobongisi-nzela na sanza ya libwa. Mpo na nini te kolobela yango na losambo na kati ya libota na bino?