MAKAMBO YA MOTUYA NA LILOBA YA NZAMBE | LUKA 10-11
Ndakisa ya Mosamaria ya motema malamu
Yesu apesaki ndakisa oyo mpo na koyanola na motuna, ‘Nani azali mpenza mozalani na ngai?’ (Lk 10:25-29) Ayebaki ete lisangá ya bokristo ekosangisa bato ya “ndenge nyonso”—ezala Basamaria mpe bato ya bikólo. (Yn 12:32) Ndakisa yango eteyaki bayekoli na ye ete basengeli kosala makasi bálinga bato mosusu, ata mpe baoyo bakoki kozala na mimeseno oyo ekesani mpenza na oyo ya bango.
OMITUNA BOYE:
-
‘Ndenge nini natalelaka bandeko oyo bazali na mimeseno oyo ekeseni na oyo ya ngai?
-
‘Nalekisaka ntango mingi kaka na baoyo makambo na bango eyokani na oyo ya ngai?’
-
‘Nakoki kofungola motema na ngai mpo na komesana na bandeko ya bikólo ndenge na ndenge?’ (2Ko 6:13)
Banani nalingi kobengisa mpo . . .
-
tóbima na mosala ya kosakola?
-
báya na ndako mpo tólya mwa eloko?
-
básangana na losambo na biso ya libota na mbala ya nsima?
