MAKAMBO YA MOTUYA NA LILOBA YA NZAMBE | LUKA 12-13
“Bino boleki bakɛngɛli-mboka ebele na motuya”
Nini mpenza etindaki Yesu aloba maloba oyo ezali na Luka 12:6, 7? Na vɛrsɛ 4, totángi ete Yesu ayebisaki bayekoli na ye bábanga te baoyo bakoki kotɛmɛla bango to ata mpe koboma bango. Yesu azalaki kobongisa bayekoli na ye mpo na botɛmɛli oyo basengelaki kotutana na yango na nsima. Amonisaki bango ete Yehova azwaka basaleli na ye nyonso na valɛrɛ mpe ete akotika te ete bányokwama mpo na libela.
Ndenge nini tokoki komonisa ete totyelaka baoyo bazali konyokwama likebi ndenge Yehova asalaka?
Epai wapi tokoki kozwa bansango ya sika ya Batatoli ya Yehova oyo bakangami na bolɔkɔ mpo na kondima na bango?
Lelo oyo, bandeko boni bazali na bolɔkɔ?
