MAKAMBO YA MOTUYA NA LILOBA YA NZAMBE | LUKA 19-20
Zwá liteya na ndakisa ya mina zomi
Na ndakisa oyo, nkolo, baombo mpe mbongo ezali komonisa nini?
-
Nkolo yango ezali komonisa Yesu
-
Baombo ezali komonisa bayekoli ya Yesu oyo batyami mafuta na elimo
-
Mbongo oyo nkolo yango apesi baombo, ezali komonisa mokumba ya lokumu ya kokómisa bato bayekoli
Ndakisa oyo ezali na likebisi oyo emonisi oyo ekokómela bayekoli ya Kristo oyo batyami mafuta na elimo soki bamonisi bizaleli oyo moombo wana mabe amonisaki. Yesu alingaka ete bayekoli na ye básalela ntango, makasi mpe biloko na bango mpo na kokómisa bato mingi bayekoli.
Ndenge nini nakoki komekola bakristo ya sembo oyo batyami mafuta na elimo na mosala ya kokómisa bato bayekoli?
