Yesu apesaki bomoi na ye mpo na bato ya kozanga kokoka. (Ro 5:8) Na ntembe te, tosepelaka ndenge Yesu apesaki bomoi na ye mpo na biso mpo na komonisa ete alingaka biso. Kasi, na bantango mosusu, tosengeli kobosanaka te ete Kristo akufelaki mpe bandeko na biso. Ndenge nini tokoki komonisela bandeko na biso oyo bazali mpe bato ya kozanga kokoka lokola biso, bolingo oyo Kristo amonisaki? Tótalela makambo misato. Ya liboso, tokoki mpe kosala boninga na bandeko na biso oyo bazali na mimeseno ekeseni na oyo ya biso. (Ro 15:7; 2Ko 6:12, 13) Ya mibale, tosengeli kokeba kobimisa maloba to kosala likambo moko oyo ekozokisa basusu. (Ro 14:13-15) Ya misato, soki moto moko asaleli biso mabe, tosengeli kolimbisa ye nokinoki. (Lk 17:3, 4; 23:34) Soki tozali kosala makasi mpo na komekola Yesu na makambo oyo misato, Yehova akokoba kopambola lisangá ezala na kimya mpe na bomoko.

TALÁ VIDEO BAKISÁ LISUSU KITOKO NA YO! MPE NA NSIMA YANOLÁ NA MITUNA OYO:

• Ndenge nini Miki azalaki kotalela lisangá na bango na ebandeli?

• Nini esalisaki ye abongola makanisi na ye?

• Ndenge nini ndakisa ya Yesu esalisaki Miki abongola lolenge na ye ya kotalela makambo? (Mr 14:38)

• Ndenge nini Masese 19:11 ekoki kosalisa biso tótalela bandeko na biso bakristo na ndenge ebongi?