BOMOI YA BAKRISTO
Bakristo ya solo bayebanaka na bolingo—Boyá koluka kaka matomba na yo moko mpe kosilika
MPO NA NINI EZALI NA NTINA: Yesu ateyaki ete bato bakoyeba bayekoli na ye soki bazali kolingana. (Yn 13:34, 35) Mpo na komonisa bolingo lokola oyo Kristo amonisaki, tosengeli koluka matomba ya basusu mpe koboya kosilika.—1Ko 13:5.
NDENGE YA KOSALA YANGO:
-
Ntango moto alobi to asali likambo moko ya mabe, tɛlɛmá naino mpe kanisá nini ebimisi likambo yango mpe soki likambo oyo okani kosala ekobimisa nini.—Mas 19:11
-
Kobosana te ete biso nyonso tozali bato ya kozanga kokoka, mpe na bantango mosusu tolobaka to tosalaka makambo oyo tokoyoka mawa na nsima
-
Silisáká matata nokinoki
TALÁ VIDEO “BÓZALA NA BOLINGO NA KATI NA BINO”—BOYÁ KOLUKA KAKA MATOMBA NA YO MOKO MPE KOSILIKISA BATO, MPE NA NSIMA YANOLÁ NA MITUNA OYO:
-
Ndenge nini Larry alekisaki ndelo mpo na likanisi oyo Tom apesaki?
-
Ndenge nini kofanda nyɛɛ mpo na kokanisa esalisaki Tom aboya kosilika?
-
Ndenge nini eyano ya boboto oyo Tom apesaki ekitisaki Larry motema?
Matomba nini lisangá ezwaka soki tofandi nyɛɛ ntango batumoli biso?
