BOMOI YA BAKRISTO
Bakristo ya solo bayebanaka na bolingo—Sepelá na solo
MPO NA NINI EZALI NA NTINA: Tosengeli kopesa litatoli mpo na solo oyo etali mokano ya Nzambe ndenge Yesu asalaki. (Yn 18:37) Tosengeli mpe kosepelaka na solo, kolobaka solo, mpe kokanisaka makambo nyonso ya solo, atako tofandi na mokili oyo etondi na lokuta mpe na makambo ya kozanga boyengebene.—1Ko 13:6; Flp 4:8.
NDENGE YA KOMONISA YANGO:
-
Zalá na ekateli ya koboya koyoka matɔngi to kopalanganisa yango.—1Te 4:11
-
Kosepelaka te na mpasi ya basusu
-
Sepeláká na makambo ya malamu mpe ya kolendisa
TALÁ VIDEO “BÓZALA NA BOLINGO NA KATI NA BINO”—KOSEPELAKA TE NA MAKAMBO YA KOZANGA BOYENGEBENE, KASI SEPELÁKÁ NDE NA SOLO, MPE NA NSIMA YANOLÁ NA MITUNA OYO:
-
Nini emonisi ete Debbie azalaki ‘kosepela na makambo ya kozanga boyengebene’?
-
Ndenge nini Alice asalaki mpo masolo na ye ná Debbie elobela nde makambo ya kolendisa?
-
Wapi mwa makambo ya malamu oyo tokoki kolobela?
Kosepelaka te na makambo ya kozanga boyengebene, kasi sepeláká nde na solo
