BOMOI YA BAKRISTO
Bilenge—Yehova azali moninga na bino ya motema?
Bizaleli nini olukaka epai ya moninga moko? Mbala mosusu, olukaka ete azala na boboto, bosembo, mpe azala mokabi. Yehova amonisaka bizaleli wana nyonso. (Kob 34:6; Mis 14:17) Ayokaka yo ntango ozali kobondela ye. Asalisaka yo ntango nyonso oyo ozalaka na mposa ya lisalisi. (Nz 18:19, 35) Alimbisaka mabunga na yo. (1Yn 1:9) Oyo nde moninga ya motema mpenza!
Ndenge nini okoki kozala moninga ya Yehova? Yekoláká Liloba na ye mpo na koyeba ye. Tyeláká ye motema. (Nz 62:8; 142:2) Monisáká ete ozwaka na motuya makambo oyo ezali na motuya mingi na miso ya Yehova, na ndakisa, Mwana na ye, Bokonzi na ye, mpe bilaka na ye mpo na mikolo ezali koya. Yebisáká basusu makambo na ye. (Mib 32:3) Soki ozali kokómisa makasi boyokani na yo ná Yehova, akozala moninga na yo mpo na libela.—Nz 73:25, 26, 28.
TALÁ VIDEO BILENGE—“BÓMEKA MPE BÓMONA ETE YEHOVA AZALI MALAMU,” MPE NA NSIMA YANOLÁ NA MITUNA OYO:
-
Ndenge nini okoki komibongisa mpo na komipesa mpe kozwa batisimo?
-
Ndenge nini basusu na lisangá bakoki kosalisa yo osalela Yehova?
-
Ndenge nini mosala ya kosakola ekómisaka makasi boyokani na yo ná Yehova?
-
Boninga elongo na Yehova ekoki koumela seko!
Mikumba nini okoki kokokisa na mosala ya Yehova?
-
Nini ebendaka yo epai ya Yehova?
