Mbala mingi ntango tosalelaka basusu mosala makasi, bazwaka yango mpenza na valɛrɛ te mpe babosanaka yango nokinoki. Kasi ezali boni mpo na mosala oyo tosalelaka Yehova? Nzambe na biso azwaka mpenza na valɛrɛ mosala na biso mpe abosanaka soki moke te mosala na biso ya makasi oyo tosalelaka ye. Ata ntango tokoki te kosala makambo oyo tozalaki kosala liboso mpo tozali lisusu te nzoto kolɔngɔnɔ, akobosana biso te.​—Ebr 6:10.

TALÁ VIDEO YEHOVA ABOSANAKA TE, MPE NA NSIMA YANOLÁ NA MITUNA OYO:

• Ndenge nini ndeko Hibshman asalaki mosala makasi na mikumba ndenge na ndenge oyo azwaki na mosala ya Yehova?

• Ndenge nini Yehova amonisaki ete abosanaki te ndeko Hibshman nsima ya liwa ya mwasi na ye mpe ntango akómaki na mokakatano ya nzoto mpo na bobange?

• Mpo na nini tokoki koloba ete bomoi oyo ndeko Hibshman alekisaki na mosala ya ntango nyonso ezalaki mpenza na motuya mingi?​—Mas 10:22