Mabondeli oyo endimami ezalaka lokola mpaka ya malasi ya nsolo kitoko oyo ezalaki kotumbama mbala na mbala liboso ya Yehova na tempelo. (Nz 141:2) Ntango tomonisaka Tata na biso ya likoló ete tolingaka ye mpe tozalaka na botɔndi, toyebisaka ye mitungisi mpe bamposa na biso, mpe tosɛngaka ye atambwisa biso, tomonisaka ete tozwaka na motuya boninga na biso ná ye. Na ntembe te, Yehova asepelaka na mabondeli ya mokuse oyo esalemaka na makita na biso, mpe atalelaka yango lokola eteni moko ya ntina mingi ya losambo na biso. Nzokande, Yehova akosepela mingi soki na mabondeli na biso moko tozali komonisa ye makanisi na biso mpe mayoki na biso mpe tozali kosolola na ye ntango molai!​—Mas 15:8.

TALÁ VIDEO NAMIPESI NA LIBONDELI, MPE NA NSIMA YANOLÁ NA MITUNA OYO:

• Mikumba nini ndeko Johnson azwaki na mosala ya Yehova?

• Ndenge nini ndeko Johnson atyelaki Yehova motema ntango azalaki kobondela?

• Mateya nini tozwi na ndakisa ya ndeko Johnson?