1:3; 2:1, 12; 3:1

Mibeko ya Moize esɛngaki Bayisraele bápesaka makabo to bambeka. Yehova azalaki kosepelisa na bambeka yango. Lisusu, bambeka yango ezalaki elilingi ya mbeka ya lisiko ya Yesu to mapamboli oyo bato bakozwa na nzela ya mbeka yango.​—Ebr 8:3-5; 9:9; 10:5-10.

• Kaka ndenge nyama nyonso oyo bazalaki kopesa mbeka esengelaki kozala oyo ezangá mbeba mpe litɔnɔ, Yesu mpe apesaki nzoto na ye ya kokoka, oyo ezangi mbeba lokola mbeka.​—1Pe 1:18, 19

• Kaka ndenge makabo ya kotumba ezalaki kopesama mobimba mpo na Nzambe, Yesu mpe amipesaki mobimba epai ya Yehova

• Kaka ndenge bato oyo bazalaki kopesa bambeka ya boyokani oyo endimami bazalaki na kimya ná Nzambe, bakristo oyo batyami mafuta na elimo mpe bazalaka na kimya ná Nzambe ntango nyonso oyo balyaka Bilei ya mpokwa ya Nkolo