BOMOI YA BAKRISTO
Tókolisa makoki na biso ya kosakola—Kosimba mitema na lisalisi ya buku “Bótikala na kati ya bolingo ya Nzambe”
NTINA NA YANGO: Bato basengeli koyeba mibeko ya Yehova mpe kotosa yango mpo losambo na bango endimama. (Yis 2:3, 4) Buku “Bolingo ya Nzambe,” mokanda ya mibale oyo toyekolaka na bato, esalisaka bayekoli ya Biblia bámona ndenge ya kosalela toli ya Nzambe na bomoi ya mokolo na mokolo. (Ebr 5:14) Tosengeli kosala makasi tósimbaka mitema ntango tozali koteya bango mpo báyoka mposa ya kosala bambongwana.
NDENGE YA KOSALA YANGO:
-
Mibongisá malamu, mpe kanisáká bamposa ya moyekoli na yo. Tuná ye mituna oyo ekosalisa yo oyeba makanisi na ye mpo na likambo oyo bozali koyekola.
—Mas 20:5; be 259 -
Salelá bitanda oyo ezalaka na buku yango mpo na kosalisa moyekoli amona ntina ya kolanda toli ya Biblia
-
Salisá moyekoli ayeba kosalela lisosoli na ye, kasi kozwaka bikateli na esika na ye te.
—Ga 6:5 -
Salelá bwanya mpo na koyeba soki moyekoli azali na mposa ya lisalisi na yo mpo na kosalela batoli mosusu ya Biblia. Na boboto, lendisá ye asala bambongwana mpo na komonisa ete alingaka Yehova.
—Mas 27:11; Yn 14:31
